कपिलवस्तु , १५ असार । कपिलवस्तुको बुद्धस्थल तिलौराकोट मा भव्य रुपमा धान रोपाइँ उत्सव मनाइएको छ । कृषि भुमि व्यवस्थापन तथा सहकारी मन्त्री चक्रपाणी खनाल ले खेतमा हलो जोतेर उदघाटन गरेका हुन ।

हलो जोते पछि मन्त्रि खनालले खेतमा रोपाइ गरेका थिए । लुम्बिनी विकास कोषद्धारा आयोजित कार्यक्रम तिलौराकोट को दरबारनजिक रहेको ऐतिहासिक स्थल कन्थक स्पुत छेउ ४ कठ्ठामा धान रोपेर मंगलोत्सव मनाइएको हो ।

शाक्यवंशीय राजधानी कपिलवस्तुमा २६ सय वर्ष अघिदेखि नै राजा शुद्धोदनले राजकीय धान रोपाइँ मंगलोत्सव धुमधामले मनाउँथे गर्थे । प्रचिन कपिलबस्तुको राजधानी तिलौराकोटमा महाराज शुद्धोधनको पालादेखि नै राजाले सुनको हलोले खेत जोतेर मनसुन सिजनको पहिलो खेती धान रोप्ने प्रचलन रहेको र यस बर्ष देखि सोही महोत्सवको निरन्तरता दिर्ने उद्देश्यले धान रोपाई मंगलोत्सव गर्न लागिएका लुम्बिनी विकास कोष उपाध्यक्ष भिक्षु मेत्तेय शाक्यपुत्रले बताए ।

कार्यक्रममा धान रोपाइ शूरु गर्नुभन्दा पहिले अखिल नेपाल भिक्षु महासंघ अध्यक्ष भिक्षु मैत्री महाअस्थवीरले सिल पाठ गरेका थिए । त्यस पछि रोपाइ शुरुगरे रोपाईमा पंचेबाजा बजाइ असारे भाका लगाइएको थियो । यस्तै गरी मंगलोत्सवमा स्थानिय अहिरववा नाँच, थारु लाठी नाच कोहार नाच लगायत विभिन्न जातजातिको झल्को दिने नृत्य समेत प्रस्तुत गरीएको थियो ।

यस्तै गरी कार्यक्रममा मन्त्रि खनालले धान खेती हाम्रो प्रचिन खेती रहेको बताउनु भएको छ । धान खेती गरेपनि अहिले नेपालमा २५ अर्व रुपयाँ बराबरको चामल आयत गरीने गरेको बताउनु भयो । यस्तै गरी हजारौ बर्ष पहिला देखिको काला निमक चामलको जात कपिलवस्तु तथा आसपास को जिल्ला र भारतको सिमाना तिर मात्र पाइने मन्त्रि खनालले बताउनु भयो ।

किसान हरुलाई सिचाँई को समस्या रहेको हुनाले यसको लागी तीन भागमा योेजना बनाइ सिचाईको समस्याको समाधान गरिने बताएका छन् । तत्कालको लागी यहाँ भएका पोखरीहरुको संरक्षण गरी पानी संचित गरीने र दिर्घ कालिन योजनाको लागी नौमुरेको पानी नहर बनाइने खनालले बताए । कार्यक्रममा पुर्व सांसद ,प्रदेश सांसद तथा मेयर लगाएतले मन्तव्य दिएका थिए ।