बीरगंज, १ असार  । पर्सा प्रहरीले अबैध रुपमा भन्सार राजश्व छलेर भारतबाट नेपाल तर्फ ल्याउदै गरेको करिव २५ लाख रुपैया भन्दा बढी कपडा प्रहरीले बरामद गरेको छ ।
छिमेकी मुलुक भारतको रक्शौलबाट ना २ ख नम्बरको ट्रकमा फल्स बटम बनाई लुकाई छिपाई बीरगंज तर्फ ल्याउदै गरेको अवस्थामा उक्त परिणामको लत्ता कपडा नियन्त्रणमा लिएको हो ।

बिशेष सुचनाको आधारमा जिल्ला प्रहरी कार्यालय पर्साबाट खटी गएको क्राईम ब्रान्च टोलीले बीरगंज महानगरपालिका वडा नम्बर १६ स्थित रजत जयन्ती चौकबाट ट्रक सहितको २५ लाख रुपैया बराबरको कपडा र चालकलाई नियन्त्रणमा लिएको जिल्ला प्रहरी कार्यालय पर्साका प्रहरी प्रमुख प्रहरी उपरिक्षक रेवती ढकालले जानकारी दिएका छन् ।

भारतबाट खरिद गरि ट्रकको भित्र सेटिङ्ग गरेर लुकाई छिपाई बीरगंज भन्सारको मुख्य सडकबाट खाली गाडी भन्दै बीरगज भित्रायाउदै गरेको अवस्थामा पर्सा प्रहरीले पक्राउ गरेको हो ।
ट्रकका चालक उक्त लत्ता कपडा सहित आवश्यक कारवाहीको लागी बीरगंज भन्सार कार्यालय पठाईएको प्रहरीले जनाएको
छ ।