बुटवल, ३० जेठ । नेपाल कम्युनिष्ट पार्टीका स्थायी समिति सदस्य घनश्याम भुसालले नेपालको आर्थिक बिकास र समृद्धिका लागि ऐतिहासिक अवसर आएकोले कम्युनिष्ट पार्टीले यसलाई समात्न सक्नुपर्ने बताउनुभएको छ ।

बुटवलको एक कायक्रममा बोल्दै नेकपा नेता भुषालले अहिलेको ऐतिहासिक समय र अवसरलाई गुमाए मुलुक धेरै पछाडि पर्ने बताउनुभयो । भुषालले यस्तो ऐतिहासिक अवसर बिरलै आउने बताउँदै २००७ साल, १७ साल र ४६ सालमा पनि यस्ता अवसर सदुपयोग गर्न नसकिएको स्मरण गर्नुभयो ।

अहिले पनि त्यस्तै ऐतिहासिक अवसर आएको भन्दै गुम्न दिन नहुने पनि उहाँले बताउनुभयो । नेकपा नेता भूषालले देश निर्माणको जिम्मा कम्युनिष्ट पार्टीको काधमा आएको उल्लेख गर्दै बिकास र समृद्धिको जनताको चाहनालाई पुरा गर्ने बताउनुभयो । उहाँले काग्रेसले अवसरलाई समात्न नसकेर इतिहासमा पछाडी परे जस्तो नहुन कम्युनिष्ट पार्टी नेता कार्यकर्ता भ्रष्टाचारमा छैन भन्ने ग्यारेण्टी हुनुपर्ने धारणा राख्नुभयो ।

उहााले बैदेशिक अनुदानले मुलुक नबने भएकाले स्वार्थमा अनुदान लिनु भन्दा ऋण लिएर दृढ संकल्पित भएर मुलुक निर्माणमा लाग्नुपर्ने बताउनुभयो । अहिलेको बजेट यथार्थ परक आएकाले साउनदेखि बृद्धभत्ता ५ हजार पुर्याउछौ भनेर गरेको प्रतिवद्धता समेत गर्न नसके पनि आउदो वर्ष पुरा गर्ने विश्वास व्यक्त गर्नुभयो ।

एमाले र माओवादी केन्द्रबीचको पार्टी एकिकरण पश्चात भातृ संगठनको नेतृत्व चयन बरिष्ठता, सक्रियता र पार्टी एकताको भावनाका आधारमा छिट्टै टुग्याउने जानकारी दिनुभयो । तिनाउ नदीमा भइरहेको उत्खननका सम्वन्धमा भुसालले नदीमा दोहन र लुट भइरहेको बेला राजनीतिक तहमा मौन रहेको बताउनुभयो ।