काठमाडौं, २९ जेठ । अमेरिकी राष्ट्रपति डोनाल्ड ट्रम्पले उत्तर कोरियाका नेता किम जोङ–उनसँगको वार्ताबाट धेरै कुरामा प्रगति भएको बताएका छन् । अमेरिका र उत्तर कोरियाबिच अनस्पेसिफाइड सम्झौतामा हस्ताक्षर हुने शंकेत पनि ट्रम्पले गरेका छन् ।
लन्चपछि थप वार्ताका लागि जाने क्रममा पत्रकारले वार्ता कस्तो भइरहेको छ भनेर सोध्दा ट्रम्पले भने, ‘धेरै कुरामा प्रगति भएको छ । निकै सकारात्मक छ । कसैले आश गरे भन्दा राम्रो हुने आश छ ।
हामी अब हस्ताक्षरका लागि जाँदैछौँ ।’ उनले सम्झौता बारे थप विवरण दिएनन् । ट्रम्प र किमबिच सिंगापुरको सेन्तोसा आइल्याण्डको एक पाँचतारे होटलमा वार्ता भइरहेको छ । त्यसपछि दुई ट्रान्सलेटरको उपस्थितिमा ४५ मिनेट र त्यसपछि अरु टोलीसहित वार्ता भयो । त्यसपछि उनीहरुले लञ्च गरेका हुन् । अब सम्झौतामा हस्ताक्षर हुनेछ ।
प्रतिक्रिया दिनुहोस्