काठमाडौं, २८ जेठ । प्रतिनिधिसभा र राष्ट्रियसभाको संयुक्त बैठक आज दिउँसो १ बस्दैछ । आज दिउँसो १ बजेका लागि बोलाइएको बैठमा दुवै संसदको बैठक सञ्चालन सम्बन्धी नियमावली पेश गर्ने कार्यसूची रहेको संघीय संसद सचिवालयले जनाएको छ ।
दुवै सदनको निमावली बनाउने गठित संयुक्त नियमावली मस्यौदा समितिका सभापति कृष्णभक्त पोखरेलले नियमावली बैठकमा पेश गर्नेछन् ।
नियमावलीमा सदनको संयुक्त बैठक सञ्चालनको कार्यविधि, समिति गठन, सदस्य तथा बैठक सञ्चालन विधि समेटिएको छ । संयुक्त सदनबाट निर्क्ल हुनुपर्ने विषय पनि नियमावलीमा समावेश छ ।
प्रस्तावित नियमावली अनुसार संयुक्त बैठकको अध्यक्षता अहिले अभ्यास भइरहेअनुसार नै प्रतिनिधिसभाका सभामुखले गर्नेछन् ।
संयुक्त नियमावली अनुसार दुबै सदनका सदस्य रहनेगरी दुई समिति गठन हुनेछन् । यसमा राज्यका नीति निर्देशक सिद्धान्त अनुगमन कार्यान्वयन तथा निर्देशन समिति र संसदीय सुनुवाइ विशेष समिति रहेका छन् ।
प्रतिनिधिसभा र राष्ट्रियसभा कार्यसञ्चालन नियमावली भने दुवै सदनले यसअघि नै पारित गरिसकेका छन् ।
प्रतिक्रिया दिनुहोस्