काठमाडौं, १६ जेठ । पूर्व मिस नेपाल सदिक्षा श्रेष्ठलाई मिस नेपाल नर्थ अमेरिकाको आधिकारीक कोरियोग्राफरमा मनोनित गरिएको छ । आगामी अगस्त महिनामा अमेरिकाको न्युयोर्कमा सम्पन्न हुन लागेको प्रतियोगितामा उनलाई कोरियोग्राफरमा मनोनित गरिएको हो ।
आयोजकले विज्ञप्ति सार्वजनिक गर्दै सो कुरा जानकारी गराएको हो । मिस नेपाल नर्थ अमेरिका आगामी अगस्त ११ तारिखमा हुदैछ ।
सो प्रतियोगिताको प्रशिक्षणका लागि सन् २०१८ कि मिस टुरिज्म इन्टरकन्टिनेंटल २०१८ ,मिस न्युयोर्क २०१७ तथा मिस टुरिज्म युएसए २०१७ बनेकी फतेना क्वासेमलाई मनोनित गरिएको छ ।
न्युयोर्ककै प्रसिद्ध कार्यक्रमस्थल मेलरोज बलरुममा उक्त कार्यक्रम अगस्त ११ तारिख भव्य समापन समारोहको आयोजना हुने तय भएको छ ।
प्रतियोगिता सम्बन्धि थप जानकारी[email protected], वा www.missnepalna.com/applynow मा गएर लिन सकिनेछ ।
प्रतिक्रिया दिनुहोस्