काठमाडौं, १३ जेठ । मोडल-कलाकार अर्चना पनेरुका पति भनिएका अमेरिकी नागरिक उल्फ प्राइसलाई यौन दुराचारको अभियोगमा अदालतले पुर्पक्षको लागि थुनामा पठाएको छ।

काठमाडौँ जिल्लाको आदेश अनुसार प्राइसलाई केन्द्रीय कारागार चलान गरिएको महानगरीय प्रहरी परिसरले जानकारी दियो । पनेरु किरोशअवस्थामै पोर्न बन्न चाहेको भन्दै चर्चामा आएकी थिइन् ।

को हुन् उल्फ प्राइस ?

प्राइस ५ वर्षदेखि नेपालमा बस्दै आएको खुलेको प्रहरी अनुसन्धानमा देखिएको छ। भिसा म्याद थप गर्दै सन् २०१३ देखि उनी नेपालमा छन्।

प्राइस अमेरिकन नागरिक भए पनि उनका बाबु भने रसियन हुन्। रसियन नागरिकता खारेज गरेपछि उनी अमेरिका पुगेका थिए। प्राइसकी आमा अमेरिकाको एक टेलिभिजनमा कार्यरत छिन्।

प्रहरीले प्राइस बस्ने घरबाट गत चैत २३ गते दुईसय ग्राम गाँजा र अन्य अवैध लागू औषधसमेत बरामद गरेको थियो। त्यस्तै दुई बालकलाई समेत उद्धार गरिएको थियो।

उनले काठमाडौँको बलम्बुमा घर नै लिएर यौन धन्दा गरेको खुलेको छ । प्राइसले भाडाको घरमा युवतीहरू ल्याइरहने प्रहरीको दाबी छ। घरसँगै उनले होटेल समेत सञ्चालन गरेको अनुसन्धानमा खुलेको छ। काठमाडौँमा मात्र होइन चितवनमा समेत उनको होटल रहेको स्रोतले जानकारी दियो।