काठमाडौं, २ जेठ । बाहुबली फिल्मका अभिनेता प्रभासले बलिउडका चर्चित निर्माता करण जोहरको फिल्म खेल्ने प्रस्तावलाई पुन अस्वीकार गरिदिएका छन् ।

प्रभासले फिल्ममा काम गर्नको लागि अहिले समय नभएको र समय मिलाएर कुनै प्रोजेक्टमा मिलेर काम गरौला भन्दै करणको अफरलाई अस्वीकार गरेका छन ।

करणको अफरलाई प्रभासले यसरी नकारेको यो दोस्रो पटक हो । यसअघि पनि उनले करणको फिल्ममा काम गर्नका लागि अस्वीकार गरेका थिए ।

करणले पहिले अफर गरेको फिल्मको लागि प्रभासले धेरै ठूलो रकमको माग गरेका थिए । जुन रकम करणले दिन नमानेपछि प्रभासले उनको अफरलाई अस्वीकार गरेका थिए ।

करण जोहरले प्रभासलाई बलिउडमा डेब्यू गराउने कुराको लामो समयदेखि चर्चा थियो । करण चाहन्थे प्रभासले आफ्नो फिल्ममार्फत बलिउड फिल्म उद्योगमा प्रवेश गरुन् । तर प्रभासले करणले सोचेको भन्दा ठूलो रकमको माग गरेपछि करणले प्रभाससँग काम गर्ने सोच नै परिवर्तन गरेका थिए ।

अहिले फेरि करणले प्रभासलाई फिल्मका लागि अफर गरे पनि प्रभासले आफूसँग तपाईँको फिल्मका लागि समय छैन भन्दै टारिदिएका छन ।

प्रभास हाल फिल्म ‘साहो’ को छायाँकंनमा व्यस्त छन् । यस फिल्मको छायाँकंन अबुधाबीमा भइरहेको छ । यस फिल्ममार्फत बलिउड अभिनेत्री श्रद्धा कपूर तेलुगू फिल्ममा डेब्यू गर्दैछिन् ।सो फिल्म तेलुगू र हिन्दी भाषमा रिलिज हुनेछ ।

‘बाहुबली’ र ‘बाहुबली २’ जस्ता सुपरहिट फिल्म दिएका अभिनेता यस समयका निकै महंगा अभिनेतामध्येका एक हुन् ।