बुटवल, ३१ बैशाख। मध्यराती आएको वर्षातका कारण खसेका पहिरोका कारण सिद्धार्थ राजमार्गअन्तर्गत बुटवल-दोभान सडक खण्ड अवरुद्ध भएको छ । मध्यराती देखिनै सकड अवरुद्ध भएको हुँदा यातायात आवागमन रोकिएका छन् भने यात्रुहरु सडकमै अलपत्र परेकाछन्।
तिनाउ गाउँपालिका वडा नम्बर ३ हेडबक्स नजिकै ठूलो पहिरो खसेपछि सोमबार बिहान २ बजेदेखि यातायात सेवा अवरुद्ध भएको पश्चिम क्षेत्र ट्राफिक प्रहरी कार्यालय बुटवलले जनाएको छ । बिहानै देखि डोजरको सहायताले पहिरो पन्छाउन सुरु गरिएपनि पहिरो ठूलो भएका कारण सडक सुचारु हुन सकेको छैन ।
बाटो खुलाउन बुटवलबाट अर्को स्काईभेटर पठाईएको पश्चिम क्षेत्र ट्राफिक कार्यालयका नायव प्रहरी उपरिक्षक माधव बुढाथोकीले जानकारी दिनुभयो ।
Accuracy, Balance & Credibility
बुटवल पाल्पा-सडक अवरुद्ध, मध्यराती पहिरो खस्यो
sharan sharan
बैशाख ३१, २०७५ सोमबार ९ : ०१ बजे
प्रतिक्रिया दिनुहोस्