बुटवल, २३ बैशाख ।
सुधा कार्की थापाको आध्यात्मिक भजन संग्रह ‘संगित सुधा’ शनिबार एक कार्यक्रमका बिच बिमोचन गरिएको छ । उक्त भजन संग्रह ‘संगित सुधा’को दुर्गा वैदिक आश्रम नयाँमिलका व्याकर्णाचार्य हरि ब्रह्मचार्यले सार्वजानिकरण गर्नुभएको हो । भजन संगहको सार्वजानिक गर्दै उहाँले संगितप्रति सबैको मोह भएकाले संगितमा निखारता हुनुपर्ने बताउनु भयो ।
कल्पना आचार्य नेपालको शव्द, सुरेस सेन्चुरीको संगित, सुधा कार्की थापाको स्वरमा रहेको ‘संगित सुधा’को प्रेम नेपालीले निर्देशन र रेशम भण्डारीले छायांकन गर्नुभएको छ ।
कृष्ण थापाको अध्यक्षतामा भएको विमोचन कार्यक्रममा बोल्दै बुटवल उद्योग बाणिज्य संघका पूर्व अध्यक्ष जीवनप्रसाद ओझा, वरिष्ठ उपाध्यक्ष उज्ज्वल प्रसाद कसजु, विन्ध्याकेशर जोशी, संगितकार सुरेर सेन्चुरी, चिरन बराल लगायतले शुभकामना व्यक्त गर्नुभएको थियो ।
उक्त संगित सुधामा श्री श्री रविशंकरले ल्याएको आर्ट अफ लिभिङ्बाट प्रभावित भएर रविशंकर सहित भगवानका गाथा गाईएको छ । ‘संगित सुधा’मा आध्यात्मिक पाँचवटा गित समावेश गरिएको सुधा कार्की थापाले बताउनु भयो ।