काठमाडौ, १२ वैशाख । राशि भनेको अरु केहि नभएर व्यक्तिको बनावट र चरित्र कस्तो हुन्छ भन्ने मात्र हो । पूर्वीय दर्शनमा विशेषगरि हिन्दू संस्कृतिमा व्यक्तिको जन्मेको समय, बार, ठाउँ हेरेर व्यक्तिको जन्मकुण्डली बनाईन्छ । सो जन्मकुण्डलीमै व्यक्तिको राशी, जीवनफल, ग्रह नक्षत्रले सो मानिसमा पर्ने प्रभाव लगायत उल्लेख गरिन्छ । तर पाश्चात जगतमा राशी जन्मेको महिनाको आधारमा तय गरिन्छ । यदि पण्डितले जुराईदिएको जन्मकुण्डलीमा तपाईको राशी एउटा छ भने पश्चिमा दृष्टिकोणबाट अर्कै हुन सक्छ । अंग्रेजी महिना अनुसार राशी निम्न अनुसारको हुन्छ-

एरिस/ मेष: 

मार्च २१ देखि एप्रिल १९ तारिखभित्र जन्मिने व्यक्तिको राशि एरिस हुन्छ ।

टरस/ वृष

एप्रिल मे २० देखि २० तारिखभित्र जन्मिने व्यक्तिको राशि टरस हुन्छ ।

जेमिनी/ मिथुन

मे २१ जुन २० तारिखभित्र जन्मिने व्यक्तिको राशि जेमिनी हुन्छ ।

क्यान्सर/ कर्कट

जुन २१ जुलाई २२ तारिखभित्र जन्मिने व्यक्तिको राशि क्यान्सर हुन्छ ।

लियो /सिंह

जुलाई २३ अगस्ट २२ तारिखभित्र जन्मिने व्यक्तिको राशि लियो हुन्छ ।

भर्गो/ कन्या

अगस्ट २३ सेप्टेम्बर २२ तारिखभित्र जन्मिने व्यक्तिको राशि भर्गो हुन्छ ।

लिब्रा /तुला

सेप्टेम्बर २३ अक्टोबर २२ तारिखभित्र जन्मिने व्यक्तिको राशि लिब्रा हुन्छ ।

स्कर्पियो/ वृश्चिक

अक्टोबर २३ नोभेम्बर २१ तारिखभित्र जन्मिने व्यक्तिको राशि स्र्कोपियो हुन्छ ।

सेगेटेरियस /धनु

नोभेम्बर २२ डिसेम्बर २१ तारिखभित्र जन्मिने व्यक्तिको राशि सेगीटेरियस हुन्छ ।

क्यापरिकर्न /मकर

डिसेम्बर २२ जेनुअरी १९ तारिखभित्र जन्मिने व्यक्तिको राशि क्यापरिकर्न हुन्छ ।

एक्वेरियश /कुम्भ

जेनेवरी २० देखि फेब्रेवरी १८ तारिखसम्म जन्म लिनेको राशि एक्वेरियस हो ।

पिसेस /मिन

फेब्रुअरि १९ मार्च २० तारिखभित्र जन्मिने व्यक्तिको राशि पिसेस हुन्छ ।

यसबाट हेर्दा मानौ, तपाईको राशी जन्मकुण्डली अनुसार मेष छ तर तपाई जुन २२ तारिखका दिन जन्मनु भएको छ भने तपाईको राशी अंग्रेजी महिना अनुसार क्यान्सर वा कर्कट हुन आउँछ ।राशीगत गुण र विशेषताको हिसाबले ज्योतिषशास्त्र अनुसार परिभाष्ति गरिएको राशि र पाश्चात राशिको गुण एउटै हुन्छ। अंग्रेजी महिनाअनुसार पनि राशीको गुणलाई चार तत्वमा वर्गिकरण गरीएको छ । तत्व अनुसार राशीहरु:

तत्व                  राशी

आगो- एरिस, लियो, सेगीटेरियस
पानी – क्यान्सर, स्कर्पियो, पिसेस
हावा – जिमीनी, लिब्रा, एक्वेरियस
पृथ्वी- टरस, भर्गो, क्यापरिकर्न