सुर्खेत, १२ वैशाख । बहुदलपछि नेपालमा आर्थिक क्षेत्रमा खुला बजार नीति, उदारीकण र नीजिकरणको गलत स्कुलिङ्गले उद्योगधन्दा धरासयी बनाएको उद्योग, बाणिज्य तथा आपूतीमन्त्री मातृका यादवले बताए  । उनले गलत स्कुलिङका कारण उदारीकरण र खुला बजार नीतिले नेपालमा अरु देशको व्यापारिक थलो बनाएको र नीजिकरणले राष्ट्रिय उद्योगधन्दा बेचेर खाने परीपाटी लादेको बताए ।

कमिशनका कारण अझैपनि प्रशासन क्षेत्रमा यो धन्दा व्याप्त रहेकोले यसलाई तोडेर नयाँ ढंगबाट उद्योगधन्दा सञ्चालन गर्ने नीति आफ्नो मन्त्रालयले अवलम्बन गर्न लागेको उनले जानकारी दिए ।

फरक प्रशंगमा यातायात व्यवसायीले दिएको आन्दोलनको धम्कीले सरकार नडराउदै बताउदै यातायात क्षेत्रमा रहेको सिण्डीकेट तोडिने उद्योग, बाणिज्य तथा आपूतीमन्त्री मातृका यादवले बताएका छन् । जनतालाई सेवा दिने नाममा यातायात क्षेत्रमा देखिएको अराजकताको अन्त्य गर्न सरकार विचलित नहुने मन्त्री यादवको बताएका हुन् ।

भुकम्प मापन केन्द्र सुर्खेतको भवन उद्घाटन गर्न पुगेका मन्त्री यादवले व्यसायीहरुले जनतालाई सेवाभन्दा सास्ती दिने गरको बताए ।
व्यावसायीहरु आक्रामक भएपनि विस्तारै सरकारले थालेको अभियानमा साथ दिनेमा आफूहरु आशावादी रहेको मन्त्री यादवको भनाई छ । उनले जनताको चाहाना अनुसार नै सरकारले सिण्डीकेट तोड्ने निर्णय लिएको र त्यसको सफल कार्यान्वयन हुने पनि दावी गरे ।
मन्त्री यादवले बुधबार विहान भुकम्प मापन केन्द्र सुर्खेतको नवनिर्मित भवनको समेत उद्घाटन गरेका छन् ।