काठमाडौं,५ वैशाख । माल्दिभ्समा सम्पन्न महिला फुटसल प्रतियोगितामा नेपाली खेलाडी सम्मेलित पुलिस क्लब दोस्रो भएको छ । फाइनलमा एपीएलसँग पेनाल्टीमा ३–२ गोलले पराजित भएपछि सावित्रा भण्डारी र अनु बस्नेत सम्मेलित टिम उपविजेतामा सिमित भएको हो ।
खेलको सुरुवातमा नै एमपीएलले लिएको अग्रतामा अनु बस्नेतले गोल गरेपछि खेल बराबरीमा पुगेको थियो । निर्धारित समयमा थप गोल हुन नसकेपछि खेल पेनाल्टीमा पुगेको थियो । पेनाल्टीमा पनि पुलिस क्लबका लागि सावित्रा र अनुले मात्र गोल गर्न सके ।
उपविजेतामा सिमित भए पनि सावित्रा भण्डारीले चार खेलमा क्वीन अफ द म्याचको उपाधि जितेकी छिन् भने प्रतियोगिताकै सर्वोत्कृष्ट खेलाडी पनि सावित्रा नै भइन् । कुल १९ गोल गर्दै सावित्रा प्रतियोगिताकै सर्वाधिक गोलकर्ता समेत बनिन् ।
प्रतिक्रिया दिनुहोस्