काठमाडौं, २७ चैत । पुष्प व्यवसायीहरुले यही चैत्र ३० गतेदेखि बैखाख ३ गतेसम्म काठमाडौंका भृकुटीमण्डपमा ‘फ्लोरा एक्स्पो’ आयोजना गर्ने भएका छन् ।
फ्लोरिकल्चर एशोसिएशन नेपालले मंगलबार काठमाडौंमा पत्रकार सम्मेलन गरी ‘फ्लोरा एक्स्पो’ आयोजना गर्न लागिएको जानकारी गराएको हो ।
‘आर्थिक समृद्धिका लागि पुष्प व्यवसाय’ भन्ने मूल नाराका साथ एक्स्पो आयोजना गर्न लागिएको एशोसिएसनका उपाध्यक्ष एवम् एक्स्पो आयोजक समितिका संयोजक रामजीप्रसाद तिमिल्सिनाले जानकारी दिनुभयो ।
एक्स्पोमा ८२ वटा स्टल रहनेछ । मौसमी फूल, आलंकारिक बोट, विरुवा, ड्राई फ्लावर, कट फ्लावर, सुनखरी, फूलको गाँनो, विउविजन, ग्रीन हाउस, कृषि औंजार तथा उपकरण, सिंचाई प्रविधिको पनि विक्री वितरण गर्ने व्यवस्था एक्स्पोमा मिलाईनेछ । नेपालमा पुष्प व्यवसायमा ४३ हजार व्यक्ति आश्रित रहेको बताइएको छ ।
प्रतिक्रिया दिनुहोस्