काठमाडौं, २७ चैत । आज बिहान बसेको मन्त्रिपरिषद बैठकले दुई आइजीपी नियुक्तिबारे निर्णय गर्न सकेन । आइजीपी नियुक्तिबारे सामान्य छलफल भएपनि निर्णय भने हुन सकेन ।

नेपाल प्रहरी र सशस्त्र प्रहरी बलका आइजीपी नियुक्तिका लागि आज बिहान बसेको मन्त्रिपरिषद बैठकले निर्णय गर्ने व्यापक चर्चा थियो । तर, आज बिहान बसेको मन्त्रिपरिषद बैठकमा सामान्य छलफल मात्र भएको एक मन्त्रीले जानकारी दिए ।

ती मन्त्रीका अनुसार, आज बेलुकीपख वा भोलि बिहानसम्ममा आइजीपी नियुक्तिको निर्णय हुनेछ । आइजीपी नियुक्तिबारे प्रधानमन्त्री केपी शर्मा ओली र माओवादी अध्यक्ष प्रचण्डबीच छलफलपछि टुंगो लाग्ने बताइएको छ ।

नेपाल प्रहरीमा डीआइजीहरु सर्वेन्द्र खनाल, रमेश खरेल, पुष्कर कार्की र धिरु बस्न्यातमध्येमा एकजनालाई आइजीपी बनाउने तयारीमा सरकार छ । त्यस्तै सशस्त्र प्रहरी बलमा एआइजीहरु शैलेन्द्र खनाल र पुष्पराम केसी आइजीपीका दावेदार हुन् ।