काठमाडौं ४ जेष्ठ । नेपाली राष्ट्रिय क्रिकेट टोलीका स्टार स्पिनर सन्दीप लामिछाने ले एकदिवसीय अन्तर्राष्ट्रिय क्रिकेट (ओडीआई) मा नयाँ विश्व कीर्तिमान बनाएका छन्।

२५ वर्षीय सन्दीप ओडीआई इतिहासमै सबैभन्दा छिटो १५० विकेट लिने खेलाडी बनेका हुन्। उनले कीर्तिपुरस्थित त्रिवि अन्तर्राष्ट्रिय क्रिकेट मैदान मा जारी आईसीसी क्रिकेट विश्वकप लिग–२ अन्तर्गत स्कटल्यान्ड राष्ट्रिय क्रिकेट टोली विरुद्धको खेलमा यो उपलब्धि हासिल गरेका हुन्।

सन्दीपले ७३ ओडीआई खेलमै १५० विकेट पूरा गर्दै अस्ट्रेलियाका स्टार बलर मिचेल स्टार्क को कीर्तिमान तोडे। स्टार्कले ७७ खेलमा १५० विकेट लिएका थिए।

यसअघि पनि सन्दीपले ओडीआईमा सबैभन्दा कम खेलमा १०० विकेट लिने विश्व कीर्तिमान बनाएका थिए। उनले अफगानिस्तानका राशिद खान लाई पछि पार्दै ४२ खेलमै १०० विकेट पूरा गरेका थिए। राशिदले ४४ खेलमा उक्त उपलब्धि हासिल गरेका थिए।

यता कीर्तिपुरमा जारी लिग–२ शृङ्खलाअन्तर्गत नेपालसँगको खेलमा स्कटल्यान्ड राष्ट्रिय क्रिकेट टोली ले टस जितेर ब्याटिङ गरिरहेको छ। शृङ्खलाको पहिलो खेलमा नेपाल स्कटल्यान्डसँग पराजित भएको थियो भने दोस्रो खेलमा संयुक्त राज्य अमेरिका राष्ट्रिय क्रिकेट टोली लाई हराएको थियो।