काठमाडौं, २५ चैत । प्रधानमन्त्री केपी शर्मा ओली तीन दिने भारत भ्रमण पुरा गरी स्वदेश फिर्ता हुनुभएको छ ।
स्वदेश फर्के लगत्तै विमानस्थलमा पत्रकार सम्मेलन गर्दै प्रधानमन्त्री ओलीले भारत भ्रमणमा रेलमार्ग, जलमार्ग, जलविद्युत, कृषि लगायतका विषयमा नेपालको पक्षमा सहमति भएको जानकारी दिनुभयो ।
प्रधानमन्त्री ओलीले भारत सरकारले नेपाली जनमतको सम्मानसँग स्वागत गरेकाले भ्रमण सफल रहेको बताउनुभयो । भारतीय प्रधानमन्त्री नरेन्द्र मोदी, भारतीय राष्ट्रपति, उप–राष्ट्रपति, नेता, व्यापारी, वौद्धिक वर्गसँगको भेटघाट फलदायी भएको प्रधानमन्त्रीले बताउनुभएको छ ।
भारत भ्रमण उपलब्धिमूलक रहेको भारत संगको सम्वन्ध नयाँ ढंगले अगाडी बढेको र संवादका माध्यम बाट क्रस वोर्डर र क्राईमबारे छलफल समेत भएको ओलीले पत्रकार सम्मेलनमा बताउनुभयो । सम्मेलनमा काठमाडौं – रक्सौल रेलमार्ग छिटै निर्माण हुने , नदिको कनेक्टिभिटी बारे महत्वपूर्ण समझदारी भएको , सिमा र डुवान सम्वन्धी विषयलाई गम्भिरतापूर्वक उठाएको र भारत संग सकरात्मक प्रगति भएको हुदा दुई देश विचको सम्वन्ध विग्रान नहुने समेत उहाले बताउनु भयो ।
भ्रमणका क्रममा शनिबार दुई देशका प्रधानमन्त्रीको उपस्थितिमा तीन सम्झौता हुनुका साथै १५ बुँदे संयुक्त वक्तव्य समेत जारी भएको थियो । भारतीय प्रधानमन्त्री नरेन्द्र मोदीको निमन्त्रणामा ओली शुक्रबार भारत भ्रमणमा जानुभएको थियो ।
प्रतिक्रिया दिनुहोस्