चितवन । राष्ट्रिय स्वतन्त्र पार्टीका सभापति रवि लामिछाने चितवन निर्वाचन क्षेत्र नम्बर २ बाट तेस्रोपटक विजयी भएका छन्। उनले ५४ हजार ४०२ मत प्राप्त गर्दै स्पष्ट अग्रतासहित जीत हासिल गरेका हुन्।
उनकी निकटतम प्रतिस्पर्धी नेपाली कांग्रेसकी मिना खरेलले १४ हजार ५६४ मत प्राप्त गरिन्। लामिछानेले खरेललाई ३९ हजार ४६८ मतान्तरले पराजित गरेका हुन्।
यसैगरी नेकपा एमालेका अस्मिन घिमिरेले ६ हजार ९९२ मत प्राप्त गरे भने नेपाल कम्युनिष्ट पार्टीका प्रताप गुरुङले ४ हजार ९६९ मत पाए।
उक्त क्षेत्रमा कुल ८७ हजार २८ मत सदर भएको थियो भने २ हजार ७९६ मत बदर भएको निर्वाचन अधिकृतको कार्यालयले जनाएको छ।
यसअघि पनि लामिछानेले २०७९ को प्रतिनिधि सभा निर्वाचन र २०८० को उपनिर्वाचनमा यही क्षेत्रबाट विजय हासिल गरेका थिए।
प्रतिक्रिया दिनुहोस्