काठमाडौं । पूर्वी नेपालको संखुवासभा र ताप्लेजुङ जिल्लाको सीमा क्षेत्रमा आज बिहान अचानक भूकम्पको धक्का महसुस भएको छ। राष्ट्रिय भूकम्प मापन तथा अनुसन्धान केन्द्रका अनुसार बिहान ठीक ३ः१८ बजे ४.७ म्याग्निच्युडको यो भूकम्प गएको हो ।

केन्द्रविन्दु संखुवासभाको टोप्के गोला नजिकै रहेको बताइएको छ। यसको प्रभावले संखुवासभा र ताप्लेजुङका विभिन्न गाउँ तथा बजार क्षेत्रमा कम्पन महसुस गरिएको थियो। स्थानीय बासिन्दाहरूले रातको समयमा आएको यो धक्काले झसङ्ग बनाएको बताएका छन् ।

जिल्लाका सुरक्षा अधिकारीहरूका प्रारम्भिक रिपोर्ट अनुसार अहिलेसम्म कुनै पनि मानवीय क्षति वा भौतिक संरचनामा क्षतिको सूचना प्राप्त भएको छैन । नेपाल प्रहरी, सशस्त्र प्रहरी तथा स्थानीय तहका टोलीहरूले प्रभावित क्षेत्रमा अनुगमन गरिरहेका छन् । थप विवरण आउन बाँकी छ।

यो क्षेत्र हिमाली भूगोलमा पर्ने भएकाले साना भूकम्पहरू नियमित रूपमा जाने गर्छन्, तर ४.७ को तीव्रताले स्थानीय स्तरमा अलिक बढी ध्यानाकर्षण गरेको छ। भूकम्पका कारण कुनै पनि प्रकारको क्षति नभएकोमा राहत महसुस गरिएको छ, तर स्थानीयहरू सतर्क रहन आग्रह गरिएको छ।