काठमाडौं माघ १३। नेपाली कांग्रेसका सभापति गगनकुमार थापाले आफ्नो निर्वाचन क्षेत्र सर्लाहीमा स्थानीय सञ्चारकर्मीसँग कुरा गर्दै आफू मधेशबाट निर्वाचन लड्न लागेको विषयमा प्रष्ट्याएका छन् ।थापाले सबैकुरा बुझेरनै आफू मधेश झरेको बताएका हुन् ।

‘मधेसमा शिक्षामा स्वास्थ्य र रोजगारीमा समस्या छ जुन कुरा देशसँग पनि जोडिन्छ। त्यसैले मधेश आउने कुरा मेरो छनोटको कुरा हो, मेरो सुझबुझको कुरा हो। मैले रोजेरनै यहाँको माटोसँग जोडिन्छु भनेर आएको हो,’ उनले भने ।

सर्लाहीको पार्टी समितिले पटकपटक उम्मेदवार बन्न बोलाएको पनि उनले बताए । ‘यो पटक पनि फेरि मलाई यहीँ माया गरेर बोलाउनुभयो। त्यसैले मधेश आउने मेरो मन भएको, सर्लाही क्षेत्र नम्बर ४ ले मलाई अवसर दिनुभयो, त्यसकारणलेआउने अवस्था बन्यो’ उनले थपे ।

मधेशको मुद्दा थाहा पाउन, बुझ्न र भोलि त्यसका बारेमा लड्न, बहस गर्न सहज होस भनेर भित्रि मधेशको जिल्ला आफ्नो रोजाइमा परेको बताए ।

काठमाडौँमा मधेश बारेको बहस भिन्न ढंगले हुन्छ। हिजो कुनै बेला मधेशको मुद्दाहरू नै उठ्दैनथ्यो, लामो समय मधेशको मुद्दा उठ्यो— उठेन भन्दिनँ,’ थापाले भने, ‘तर अब मधेशको मुद्दा उठ्ने मात्र होइन, मधेशको मुद्दा सम्बोधन पनि हुनेछ ।