काठमाडौ ५ साउन । प्रधानमन्त्रीको सरकारी निवास बालुवाटार, नक्साल, भाटभटेनी पूर्वलगायत क्षेत्रमा मेलम्चीको खानेपानी वितरण हुने भएको छ ।

खानेपानीमन्त्री प्रदीप यादवका अनुसार खानीपानी पठाउनका लागि आवश्यक पूर्वाधार तयारी अवस्थामा रहेकाले अब चाँडै यी क्षेत्रमा मेलम्चीको खानेपानी पुग्नेछ ।

खानेपानी मन्त्रालय मातहतको आयोजना कार्यान्वयन निर्देशनालय ९पीआईडी० द्वारा आज बालुवाटार क्षेत्रमा मेलम्ची खानेपानी आपूर्ति प्रणालीअन्तर्गतको पाइपलाइन बिछ्याइएको क्षेत्रमा अनुगमन तथा निरीक्षणपछि खानेपानीमन्त्री यादवले पाइपलाइन बिछ्याउने कार्य सफल भएकाले चाँडै मेलम्चीको खानेपानी वितरण गरिने बताउनुभयो ।

अहिले पाइपलाइनको दबाव परीक्षण अर्थात् ‘प्रेसर टेस्ट’ को तयारी तथा कार्यसम्पन्न गर्ने चरणमा रहेको र प्रेसर टेस्ट सफलतापूर्वक सम्पन्न भएपछि बालुवाटार, नक्साल ९भाटभटेनी पूर्व०, टुडालदेवी, विशालनगर, वङ्शीधर मार्ग पश्चिम तथा सुवर्णशम्शेर सडकमा मेलम्चीको पानी आपूर्ति शुरू गरिने पीआईडीका प्रमुख लक्ष्मी उपाध्यायले जानकारी दिनुभयो ।

उहाँका अनुसार पानी वितरणपछि यस क्षेत्रका झन्डै ३ हजार ५०० घरधुरी प्रत्यक्ष रूपमा लाभान्वित हुने अपेक्षा छ ।