काठमाडौ ६ जेठ । सुनसरीको बराहक्षेत्र नगरपालिकामा अफ्रिकन स्वाइन फिभरको सङ्क्रमणका कारण ३६ बङ्गुर मरेका छन् ।
व्यावसायिक रूपमा पालन गरेका बङ्गुरमा अफ्रिकन स्वाइन फिभरको सङ्क्रमण देखिएको भेटेरिनरी अस्पताल तथा पशुसेवा विज्ञ केन्द्र इनरुवाका प्रमुख डा।मनोजकुमार महतोले जानकारी दिनुभयो ।
बराहक्षेत्र–१ मा रहेको दियाली कृषि फार्ममा २० वटा बङ्गुरमा सङ्क्रमण देखिएको छ भने १७ वटा मरेका छन् । त्यसैगरी बराह बङ्गुर फार्ममा १५ वटामा सङ्क्रमण देखिएको छ भने सात बङ्गुर मरेका उहाँले जानकारी दिनुभयो ।
स्थानीय सुवास श्रेष्ठले पालेका बङ्गुर फार्ममा २२ वटामा सङ्क्रमण देखिएको छ भने १२ वटा मरेका छन् । बराहक्षेत्रमा ५७ वटा बङ्गुरमा सङ्क्रमण रहेको डा।महतोले बताउनुभयो ।
यसअघि सुनसरीको दुहबी, रामधुनी र धरानमा अफ्रिकन स्वाइन फिभरको सङ्क्रमण देखिएको थियो ।
प्रतिक्रिया दिनुहोस्