सोलुखुम्बु, ११ चैत । सगरमाथा दिवसको अवसरमा अगामी मे २९ मा राष्ट्रिय पुरुष भलिबल प्रतियोगिता हुने भएको छ ।
‘सगरमाथाको फेदी अनुपम छ ठाउँ, आन्तरिक पर्यटनको लागि नाम्चे घुम्न जाउँ’ नारासहित नाम्चे युवा समुहले उक्त राष्ट्रिय भलिबल प्रतियोगिता आयोना गर्न लागेको हो ।
हिमालय आधारभूत विद्यालय नाम्चेको मैदानमा सञ्चालन हुने उक्त प्रतियोगिता १० दिनसम्म चल्ने कार्यक्रम संयोजक लामाकाजी लामाले जानकारी दिनुभयो । प्रतियोगितामा प्रथम हुनेले रु पाँच लाख १०१, दोस्रो हुनेले रु तीन लाख १०१ र तेस्रो हुनेले रु एक लाख १०१ पुरस्कार पाउनेछ ।
प्रतियोगिताको उत्कृष्ट खेलाडीलाई रु ५० हजार १०१ प्रदान गरिनेछ । एउटा टिममा दुई जनाभन्दा बढी राष्ट्रिय खेलाडी राख्न नपाइने संयोजक लामाले बताउनुभयो ।
प्रतिक्रिया दिनुहोस्