नवलपुर, २२ बैशाख । नवलपुरको गैडाकोट नगरपालिका–३ केलादीस्थित जुक्तिखोलामा पौडी खेल्ने क्रममा दुई किशोरको डुबेर मृत्यु भएको छ।
मृत्यु हुनेमा चितवन भरतपुर महानगरपालिका–८ का १६ वर्षीय प्रमिशन पाठक र सोही महानगरपालिका–४ धर्मचोकका १६ वर्षीय शिशिर पन्त रहेका छन्। उनीहरू आज दिउँसो पौडी खेल्ने क्रममा खोलामा डुबेका थिए।
घटनाको जानकारी पाएलगत्तै सुरक्षाकर्मी र स्थानीयवासीले उद्धार प्रयास थालेका थिए। तर दुबै जनालाई मृत अवस्थामा फेला पारिएको जिल्ला प्रहरी कार्यालय नवलपुरका सुचना अधिकारी मधुसुदन नेपाले बताए । घटनाबारे थप अनुसन्धान भइरहेको प्रहरीले जनाएको छ।
प्रतिक्रिया दिनुहोस्