हालैका वर्षहरूमा, भियतनामले आफ्नो पूर्व शत्रु संयुक्त राज्य अमेरिकासँग रणनीतिक र आर्थिक सम्बन्ध स्थापित गरिरहेका बेला उच्च कर थोपर्ने घोषणाले झनै आश्चर्य उत्पन्न गरेको छ।

काठमाडौं २४ चैत । भियतनामका शीर्ष नेता टो लामले राष्ट्रपति ट्रम्पलाई कम्तीमा ४५ दिनसम्म कर लागू गर्न ढिलाइ गर्न आग्रह गर्दै पत्र पठाएका छन् । भियतनामी उच्च सत्तारुढ नेताका अनुसार त्यो समयअवधिमा दुवै पक्षले भियतनामी अर्थतन्त्रलाई नष्ट गर्ने र अमेरिकी उपभोक्ताहरूका लागि मूल्यवृद्धि गर्ने कर थोपराइलाई रोक्ने आशा व्यक्त गरेका छन् ।

अमेरिकी मिडियाहरुका अनुसार संयुक्त राज्य अमेरिकाले भियतनाममाथि लगाउने भनेको ४६ प्रतिशत कर दर कुनै पनि देशले सामना गर्नुपर्ने मध्येको सबैभन्दा उच्च हो। यस्तो उच्च करको सम्भावनाले भियतनाममा झट्का दिनुका सथौ गहिरो चिन्ता उत्पन्न गरेको छ। वाशिङटनले हालैका वर्षहरुमा हनोईलाई चीनविरुद्ध महत्त्वपूर्ण किल्ला बनाउँदै धेरै अमेरिकी पोशाक ब्रान्डहरूका लागि उत्पादन गन्तव्यको रूपमा अँगालेको तुलनामा तीव्र भिन्नता प्रस्तुत गर्ने खतरा उत्पन्न गरेको छ ।

नेता लामको ट्रम्पलाई प्रस्ताव शनिबारको मितिमा लेखिएको पत्रमा लामले ट्रम्पलाई अमेरिकी प्रतिनिधि नियुक्त गर्न आह्वान गरेका छन् । प्रस्तावित अमेरिकी प्रतिनिधिले भियतनामी उपप्रधानमन्त्री हो डक फोकसँग वार्ताको नेतृत्व गरेर ‘जतिसक्दो चाँडो सम्झौतामा पुग्ने लक्ष्य’ हासिल गर्नु पर्ने बताएका छन् ।

भियतनामी नेता लाम अमेरिकी करहरू घोषणा भएपछि ट्रम्पसँग सम्पर्क गर्ने पहिलो विश्व नेताहरूमध्ये एक हुन् । ट्रम्पसँगको फोन कलमा, उनले अमेरिकी आयातमा करलाई शून्यमा झार्ने प्रस्ताव राख्दै ट्रम्पलाई पनि त्यस्तै गर्न आग्रह गरेका छन् । भियतनामले अमेरिकी सामानहरूमा औसत ९.४ प्रतिशत कर लगाउने गरेको छ ।

ट्रम्पले भितनामी नेताको उक्त कललाई ूधेरै उत्पादनशीलू भएको टिप्पणी गरेका छन ।

आफ्नो पत्रमा, नेता लामले ट्रम्पलाई मे महिनाको अन्त्यमा वाशिङटनमा व्यक्तिगत रूपमा भेट्न आग्रह गरेका छन् । ‘यो महत्त्वपूर्ण विषयमा संयुक्त रूपमा सम्झौतामा पुग्न, हाम्रा दुवै देशका जनताको हितका लागि र क्षेत्रीय तथा विश्वमा शान्ति, स्थिरता र विकासमा योगदान पुर्‍याउन’ वार्ता आवश्यक भएको बताएका छन् ।

चीन, कम्बोडिया र लाओससँगै उच्च करको सामना गरिरहेको भियतनाम, यदि बुधबार योजना गरिएअनुसार कर लागू भएमा एसियाको सबैभन्दा कठिन प्रभावित अर्थतन्त्र हुने अर्थशास्त्रीहरूले चेतावनी दिएका छन् । संयुक्त राज्य अमेरिका भियतनामको सबैभन्दा ठूलो निर्यात बजार हो, जसले देशको कुल निर्यातको लगभग ३० प्रतिशत हिस्सा ओगट्छ। ४६ प्रतिशत कर दरले भियतनामको कुल गार्हस्थ उत्पादनको ५.५ प्रतिशत जोखिममा पार्नेछ ।

हनोईभित्र, ट्रम्प प्रशासनको हालैको कदमले संयुक्त राज्य अमेरिकाको विश्वसनीयतामाथि शंका उत्पन्न गरेको छ, जसले हालैका वर्षहरूमा भियतनामलाई जोडदार रूपमा आकर्षित गरेको थियो। २०२३ मा, भियतनामका दुई पूर्व शत्रुहरूले नयाँ रणनीतिक सम्बन्ध स्थापित गरेका थिए । त्यो घटनालाई भियनामी राजनीतिक विकासक्रममा अमेरिकी विदेश नीतिको एक माइलस्टोनको रूपमा हेरिएको थियो। धेरै भियतनामीहरूले संयुक्त राज्य अमेरिकाको राजनीतिक र रणनीतिक प्रभावलाई स्वागत गरेका थिए ।

बाइडेन प्रशासनले भियतनामलाई — दक्षिण चीन सागरमा चीनको आक्रामकताको सार्वजनिक रूपमा प्रतिरोध गर्ने थोरै दक्षिणपूर्वी एसियाली राष्ट्रहरूमध्ये एक मान्दै क्षेत्रमा चीनको बढ्दो महत्वाकांक्षालाई प्रतिरोध गर्न अमेरिकी प्रयासको लागि महत्त्वपूर्ण ठान्यो।