काठमाडौं, ७ चैत । काठमाडौं सुनधारास्थित गुलाब स्वीटस् र होटल सालिमारमा लागेको आगलागीलाई नियन्त्रणमा लिईएको छ । आगलागीमा परी दुई जना घाइते भएका छन् भने आगलागि पश्चात् त्यहाँ फसेका १३ जनाको उद्धार गरिएको छ ।

बुधबार साँझ उक्त आगलागी भएको हो ।

अन्डरग्राउण्डमा रहेको जेनेरेटर पड्किएर आगलागी भएको बताइएको छ ।

प्रहरीका अनुसार आगलागी शुरु भएको स्थानमा गुलाबको कोइला भण्डार रहेको थियो ।

काठमाडौँ, ललितपुर र भक्तपुरबाट आएका वारुण यन्त्रसहित नेपाली सेना र प्रहरी टोलीले आगलागी नियन्त्रणमा लिए।