काठमाडौं, ५ चैत । नेपाल इन्जिनियर्स एसोसिएसनको १५ औं राष्ट्रिय सम्मेलन आगामी सातदेखि नौ गतेसम्म काठमाडौमा हुने भएको छ ।
हरेक दुई दुई वर्षमा हुने सम्मेलन यस वर्ष समृद्ध संघीय नेपालका लागि इन्जिनियरिङ विषयमा केन्द्रित रही आयोजना गर्न लागिएको एसोसिएसनले सोमबार काठमाडौंमा पत्रकार सम्मेलन गरी जनाएको हो ।
राष्ट्रिय पूर्वाधार बिकास र जनताको जीवनस्तरको सुधारका लागि सम्मेलन महत्वपूर्ण हुने बिश्वास लिएको एसोसिएसनका अध्यक्ष हरेराम श्रेष्ठले बताउनुभयो ।
सम्मेलनमा जलवायु परिवर्तन, प्राविधिक जनशक्ति व्यवस्थापन, अनुसन्धान र विकास, सार्वजनिक निजी साझेदारी लगाएका बिषयमा कार्यपत्र प्रस्तुत हुने जानकारी दिइएको छ ।
सम्मेलनको चैत ७ गते काठमाडौंको राष्ट्रिय सभागृहमा उपराष्ट्रपति नन्दबहादुर पुनबाट उद्घाटन हुने आयोजकले जनाएको छ ।
प्रतिक्रिया दिनुहोस्