काठमाडौं १६फागुन । नेपाल विद्युत् प्राधिकरणले आज शुक्रबार काठमाडौँका विभिन्न स्थानमा बिजुली कटौती गर्ने भएको छ।
प्राधिकरणले जारी गरेको सूचनाअनुसार आज महाराजगन्ज वितरण केन्द्रअन्तर्गत लाजिम्पाट फिडरमा पर्ने लाजिम्पाट, पानीपोखरी र बालुवाटार क्षेत्रमा बिजुली काटिने भएको हो।
बिहान १० देखि दिउँसो ३ बजेसम्म लाइन काटिने सूचनामा उल्लेख छ।
सो स्थानमा भूमिगत प्रसारण लाइनको केबल परीक्षण एवं चार्ज गर्ने कामका लागि लाइन काट्न लागिएको प्राधिकरणले जनाएको छ।
उक्त काम तोकिएको समयअघि नै सकिए निर्धारित अवधिअगावै बिजुली जोडिने जानकारी पनि प्राधिकरणले दिएको छ।
प्रतिक्रिया दिनुहोस्