फेब्रुअरी २३ः अमोरिकी अर्थतन्त्र रेकर्ड स्तरमा जम्मा १० प्रतिशत धनीहरुको खर्च गर्ने प्रवृत्तिमा निर्भर रहेको छ । धेरै अमेरिकीहरू चर्को महंगी र कठोर मुद्रास्फीतिले थकित भएर पैसा जोगाइरहेका छन्। धनीहरू भने खुल्लमखुल्ला खर्च गरिरहेका छन्।
सबैभन्दा धेरै कमाउने १०% — करिब २लखा ५० हजार डलर वा त्योभन्दा बढी वार्षिक आम्दानी गर्ने परिवारहरू — छुट्टीदेखि डिजाइनर ह्यान्डब्यागसम्मका सबै कुरामा ठूलो मात्रामा खर्च गरिरहेका छन् । यसखाले खर्चका लागि स्टक, रियल इस्टेट र अन्य सम्पत्तिहरूबाट भएको ठूलो लाभले यस्तो गर्न सम्भव बनाएको द वाल स्ट्रिट जर्नलले उल्लेख गरेको छ । यी उपभोक्ताहरूले कुल खर्चको ४९.७% हिस्सा ओगट्छन्, जुन १९८९ सम्मको तथ्यांकमा रेकर्ड संख्या हो, तीन दशकअघि, यो हिस्सा करिब ३६% मात्र रहेको मूडीज एनालिटिक्सको विश्लेषणले देखाएको छ ।

यसखाले अवस्था भनेको आर्थिक वृद्धि असामान्य रूपले धनी अमेरिकीहरूले खर्च गर्ने कुरामा निर्भर रहेको देखिनु हो । मूडीज एनालिटिक्सका प्रमुख अर्थशास्त्री मार्क ज्यान्डीले अनुमान गरे अनुसार सबैभन्दा धेरै कमाउने १०% को खर्चले मात्रै कुल गार्हस्थ उत्पादनको लगभग एक तिहाइ हिस्सा ओगट्छ।
सेप्टेम्बर २०२३ र सेप्टेम्बर २०२४ बीच, उच्च कमाउनेहरूले आफ्नो खर्च १२% ले बढाएका छन् । यही अवधिमा, मजदुर वर्ग र मध्यम वर्गका परिवारहरूको खर्च भने घट्न पुगेको छ ।

“धनीहरूको वित्तीय अवस्था यस अघि कहिल्यै पनि यति राम्रो भएको थिएन, भने उनीहरूले गर्ने खर्च पनि कहिल्यै यति बलियो भएको देखिएको थिएन र अर्थतन्त्र समेत कहिल्यै यति सानो समूहमा निर्भर भएको थिएन,“ फेडरल रिजर्भको तथ्यांकमा आधारित यो विश्लेषणको निरीक्षण गरेपछि ज्यान्डीले बताए । उनका अनुसार २०२४ को तेस्रो त्रैमासिकसम्म चलेको थियो ।

समग्रमा, धनी मानिसहरूले आफ्नो खर्च मुद्रास्फीतिभन्दा धेरै बढाएका छन्, जबकि अरूले त्यसो गरेका छैनन्। सबैभन्दा कम कमाउने ८०% ले चार वर्षअघिको तुलनामा २५% बढी खर्च गरे, जुन अवधिमा मूल्य वृद्धि भएको २१% लाई थोरै मात्रले पार गर्छ। सबैभन्दा धेरै कमाउने १०% ले ५८% बढी खर्च गरेका छन् ।

स्टक बजारमा वा घरको मूल्यमा आएको कमीले सबैभन्दा धेरै कमाउने १०% को आत्मविश्वासलाई भने अस्थिर बनाइदिएको छ । यस्तो अवस्थाले उनीहरूलाई खर्च घटाउन बाध्य बनाउदा अर्थतन्त्रमा ठूलो प्रभाव पार्नेछ। उपभोक्ता भावना समग्रमा घट्न थालेको छ, यसभित्र सबैभन्दा धनी एक तिहाइ उपभोक्ताहरू पनि पर्दछन्। यसो हुनुको अर्को कारण ट्यारिफको धम्कीका समेत भएको जर्नलले उल्लेख गरेको छ ।
नयाँ तथ्याङक अनुसार महामारीको समयमा, विभिन्न वर्गका अमेरिकीहरूले रेकर्ड स्तरमा बचत गरेका थिए । उनीहरूले घरमा बस्नुपरेको र सरकारका विभिन्न प्रोत्साहन उपायहरूबाट अतिरिक्त पैसा प्राप्त गरेको कारणले त्यस्तो भएको हो । २०२२ को शुरुमा, परिवारहरूले अतिरिक्त २.६ ट्रिलियन डलर जम्मा गरेका थिएका थिए ।

त्यसपछि मुद्रास्फीति आयो, र मूल्यहरू तीव्र रूपमा बढे। धेरैजसो अमेरिकीहरूले आफ्नो बढ्दो बिलहरूको सामना गर्न अतिरिक्त बचतको प्रयोग गरे। तर सबैभन्दा धेरै कमाउने १०% ले आफूले जम्मा गरेको धेरैजसो जोगाएर राखे ।

सम्पन्न मानिसहरूले आफूसँग भएको सम्पत्ति, जस्तै स्टकहरू, अचानक धेरै मूल्यवान भएको पाए। फेडरल रिजर्भको तथ्यांक अनुसार, सबैभन्दा धेरै कमाउने २०% को खुद सम्पत्ति २०१९ को अन्त्यदेखि ३५ ट्रिलियनभन्दा बढी, वा ४५%, ले बढेको छ। बाँकी सबैको लागि खुद सम्पत्ति पनि समान दरमा बढ्यो, तर यो धेरै कम पैसामा परिणत भयोः सबैभन्दा कम कमाउने ८०% का लागि १४ ट्रिलियनको वृद्धि मात्र देखियो ।