काठमाडौं ७ माघ । प्रधानमन्त्री कप महिला टी–२० राष्ट्रिय क्रिकेट प्रतियोगितामा आज दुई वटा खेल हुँदैछन् । पहिलो खेलमा बाग्मती प्रदेश र त्रिभुवन आर्मी क्लब खेल्दैछन् ।
धनगढीमा हुने यो खेल बिहान ९ बजे शुरू हुनेछ । यस्तै आज हुने अर्को खेलमा कोशी प्रदेश र मधेश प्रदेश खेल्दैछन् । यो खेल दिउँसो १ बजे शुरू हुने छ ।
यसअघि हिजो भएको समूह ‘बी’ अन्तर्गतका खेलमा हिजो त्रिभुवन आर्मीले मधेश प्रदेशलाई १० विकेटले हराएको थियो । यस्तै समूह ‘बी’ को पहिलो खेलमा कोशी प्रदेशले बाग्मती प्रदेशलाई १० रनले हराएको थियो ।
समूह ‘ए’ बाट एपीएफ शीर्ष र सुदूरपश्चिम दोस्रो स्थानमा रहेर सुपर फोरमा पुगेका छन् । सुपर फोरमा शीर्ष दुईमा रहने टोलीबीच उपाधिका लागि प्रतिस्पर्धा हुनेछ । फाइनल खेल आउँदो शनिवार हुनेछ ।
प्रतिक्रिया दिनुहोस्