काठमाडौं ३ माघ । प्रधानमन्त्री कप महिला टी–२० क्रिकेट प्रतियोगितामा आज दुई वटा खेल हुँदैछन् । धनगढीको फाप्ला क्रिकेट मैदानमा आज हुने पहिलो खेलमा बिहान नौ बजे गण्डकी र कर्णाली प्रदेश खेल्दैछन् । गण्डकीले यसअघि खेलेका दुवै खेल हारेको छ भने कर्णालीले आज पहिलो खेल खेल्न लागेको हो ।
यस्तै आज दिउँसो १ बजे हुने अर्को खेलमा सशस्त्र प्रहरीको एपीएफ र लुम्बिनी प्रदेश खेल्दैछन् । एपीएफले लगातार दुई खेल जितेको छ भने लुम्बिनिले पहिलो खेल हारेको छ । प्रतियोगिताको फाइनल खेल यही माघ १२ गते शनिवार हुनेछ ।
प्रतिक्रिया दिनुहोस्