काठमाडौं ६ पुस । जर्मनीमा एलन मस्कले घोर दक्षिणपन्थी आप्रवासन विरोधी दल ‘एफडीले मात्र जर्मनीलाई बचाउन सक्छ’ भन्ने टिप्पणीले चर्को आक्रोश जन्माएको छ ।

घटनाको पृष्ठभूमि

अमेरिकी अरबपति एलन मस्कले आफ्नो सामाजिक सञ्जाल प्लेटफर्म एक्सह् (पहिले ट्विटर) मा जर्मनीको दक्षिणपन्थी, आप्रवासी–विरोधी दल अल्टरनेटिभ फ्रेडरल डेमोक्रेटिक(एएफडी) लाई समर्थन गर्दै टिप्पणी गरेका थिए । उनका यी भनाइहरू जर्मनीको आगामी २३ फेब्रुअरीमा हुने स्न्याप चुनाव अगाडि बाहिर आएका हुन्।

एएफडी हाल जर्मनीको राजनीतिक परिदृश्यमा दोस्रो स्थानमा छ, तर यसलाई देशको घरेलु गुप्तचर सेवाले केही पक्षका सन्दर्भमा दक्षिणपन्थी अतिवादी वर्गमा राखेको छ। जर्मनीका प्रमुख मुख्यधाराका दलहरूले अफ़डीसँग सहकार्य नगर्ने घेषणा गरिसकेका छन् ।

मस्कको विवादास्पद ट्वीट

मस्कले एक जर्मन दक्षिणपन्थी प्रभावकारी, नाओमी सेइब्ट को भिडियो पुनःपोस्ट गर्दै एफडी को समर्थन गर्दै लेखेका छन् ‘केवल एएफडीले मात्र जर्मनीलाई बचाउन सक्छ।’ भिडियोमा सेइब्टले जर्मनीका कन्जर्भेटिभ क्रिश्चियन डेमोक्र्याट्सका नेता फ्रेडरिक मर्जको आलोचना र अर्जेन्टिनाका उदारवादी लोकप्रियतावादी राष्ट्रपति हाभियर मिलेईको प्रशंसा गरेकी थिइन्।

सरकारी प्रतिक्रिया

जर्मनीका स्वास्थ्य मन्त्री कार्ल लाउटरबाख ले मस्कको टिप्पणीलाई ‘अमर्यादित र अत्यन्त समस्याजनक’ भनेका छन्। उनका अनुसार मस्कले यसरी जर्मनीको राजनीतिक बहसमा हस्तक्षेप गर्नु निर्वाचनपूर्व नैतिक रूपमा अनुचित हो।

जर्मन चान्सलर ओलाफ शोल्जले प्रत्यक्ष रूपमा प्रतिक्रिया नदिँदै भने, ‘यहाँ अभिव्यक्तिको स्वतन्त्रता छ। यसले बहुमूल्य सुझाव नभए पनि धनी व्यक्तिहरूलाई आफ्ना विचार व्यक्त गर्न छुट दिन्छ।’

अन्य प्रतिक्रिया

जर्मनीका पूर्व सांसद एल्मार ब्रोके ले मस्कको टिप्पणीलाई ‘अमेरिकी टेक्नोलोजी राजाहरूको विश्व वर्चस्वको कल्पना’ भन्दै निन्दा गरेका छन् ।

क्रिश्चियन लिन्डनर, प्रगतिशील डेमोक्रेटिक क्रिश्चियत पार्टीका का प्रमुखले मस्कसँग छलफलको आह्वान गर्दै लेखेका छन् , ‘मस्क, एएफडीले स्वतन्त्रता र व्यापारको विरोध गर्छ। तपाईँका विचारहरूमा छलफल गर्न मलाई भेट्नुस्।’ उनी हालै चान्सल ओलाफ सोल्जले बर्खास्त गरेका अर्थमन्त्री हुन् ।

अन्य विवादहरू

यो घटना पहिले नै विवादास्पद एएफडीदलसँग सम्बन्धित अन्य घटनाहरूको श्रृङ्खलामा थपिएको छ। २०२३ मा, एएफडीलाई युरोपेली संसदको दक्षिणपन्थी समूहबाट हटाइएको थियो।

मस्क यसअघि पनि युरोपभरका आप्रवासी– विरोधी शक्तिहरूलाई समर्थन गर्दै आएका छन्। उनले ब्रिटेनको रिफर्म युके पार्टी, इटलीकी प्रधानमन्त्री जर्जिया मेलोनी, र अर्जेन्टिनाका राष्ट्रपति मिलेई समर्थन गरेका गर्दै आएका छन् ।

जर्मनीको राजनीतिमा यस प्रकारको हस्तक्षेपले आगामी चुनावमा कस्तो प्रभाव पार्छ भन्ने विषय गहिरो बहसको विषय बनेको छ।