काठमाडौं २५ मंसिर । संयुक्त राष्ट्र सङ्घीय शान्ति मिसनअन्तर्गत सिरियामा खटिएका सबै नेपाली सेनाको अवस्था सामान्य रहेको नेपाली सेनाले जनाएको छ । इस्लामी विद्रोही समूह हयात तहरीर अल शाम ९एचटीएस० ले सिरिया नियन्त्रणमा लिएपछि नेपाली सेनाले सिरियामा तैनाथ नेपाली शान्ति सेना सुरक्षित रहेको जानकारी दिएको हो ।
सिरियामा विगत केही दिनदेखि विकसित घटनाक्रमअन्तर्गत यही मङ्सिर २२ गते संयुक्त राष्ट्र सङ्घको ‘यूएनडीओएफ’ मिसनमा तैनाथ नेपाली शान्ति सेना रहेको हदारमा रहेको १०–ए सुरक्षा पोष्टमा हतियारधारी समूह जबरजस्ती प्रवेश गरेको थियो ।
यस सुरक्षा पोष्टलगायत सिरियामा तैनाथ संयुक्त राष्ट्र सङ्घीय मिसनअन्तर्गत विभिन्न ठाउँमा रहेका नेपाली शान्ति सेना सुरक्षित अवस्थामा रहेको नेपाली सेनाले जनाएको हो ।
प्रतिक्रिया दिनुहोस्