काठमाडौं, २५ फागुन । लगानी बोर्डले जलाशययुक्त पश्चिम सेती जलविद्युत आयोजनाको प्राविधीक अध्ययन गर्न समिति गठन गरेको छ ।

प्रधानमन्त्री केपी शर्मा ओलीको अध्यक्षतामा शुक्रबार काठमाडौमा बसेको बोर्डको २९ औं बैठकले सात सय ५० मेघावाटको उक्त आयोजना अघि बढाउन प्राविधीक अध्ययन गर्ने निर्णय गर्दे समिति गठन गरेको हो । समितिलाई एक महिना भित्र अध्ययन प्रतिवेदन पेश गर्न भनिएको छ ।

चाइना थ्री गर्जेज इन्टरनेसनलले निर्माणसम्बन्धी कार्ययोजना नपठाउनुको कारण पत्ता लगाउन पनि प्राविधीक अध्ययन गर्ने निर्णय गरिएको बोर्डका कार्यकारी प्रमुख महाप्रसाद अधिकारीले जानकारी दिनुभयो । त्यस्तै बैठकले ५ सय मेघावाट बढि जलविद्युत आयोजना निर्माण कार्यका लागी बिभिन्न १० अध्ययन प्रोजेक्टलाई स्वीकृत दिने निर्णय पनि गरिएको उहाले जानकारी दिनुभयो ।

अहिले ५ सय मेघावाट बढि जलविद्युत आयोजना निर्माणको सम्भाव्यताको अध्ययन नभएको अबस्थामा १० अध्ययन प्रोजेक्टलाई काम सुरु गर्न स्वीकृति दिईएको उहाको भनाई छ । बैठकमा प्रधानमन्त्री केप ओलीले बर्तमान सरकार लगानीमैत्री हुने बताउनुभएको थियो । मुलुकको बिकासका लागी जलबिद्युतमा लगानी आवश्यक रहेको भन्दै यस क्षेत्रलाई बिकास गर्नुपर्ने ओलीको भनाई थियो ।