काठमाडौं १८ मंसिर ।  पूर्व गृहमन्त्री तथा चितवन(२ का सांसदसमेत रहेका राष्ट्रिय स्वतन्त्र पार्टी रास्वपाका केन्द्रीय सभापति रवि लामिछानेलाई सहकारी ठगीसम्बन्धी मुद्दामा बयानका लागि प्रहरीले मंगलबार मध्याह्न चितवन जिल्ला न्यायाधिवक्ताको ९सरकारी वकिल० को कार्यालयमा उपस्थित गराएको छ ।

लामिछानेलाई आज बिहान काठमाडौंबाट भरतपुर ल्याइएको हो । साहारा चितवन बहुउद्देश्यीय सहकारी संस्थाको बचत अपचलन सम्बन्धमा लामिछानेमाथि छानबिन सुरू भएको हो । सहकारी बचत अपचलनको उजुरीमा कास्की प्रहरीले पक्राउ गरेको लामिछानेमाथि कास्कीसहित रूपन्देही र काठमाडौंमा पनि अनुसन्धान र बयान भएको छ ।

साहारा चितवनको १० करोड रूपैयाँभन्दा बढी रकम नियम विपरीत गोरखा मिडियामा गएको भनेर पीडित बचतकर्ताले उजुरी दिएका छन् । ग्यालेक्सी फोरके टिभी सञ्चालन गर्ने गोरखा मिडियामा लामिछाने तत्कालीन सेयरधनी, सञ्चालक तथा प्रबन्ध निर्देशक थिए ।