काठमाडौं १० मंसिर । एकीकृत समाजवादीका अध्यक्ष तथा पूर्वप्रधानमन्त्री माधवकुमार नेपालले चीनको बेल्ट एन्ड रोड इनिसिएटिभ ९बीआरआई नेपालको हितविरुद्ध नरहेकोले यसबाट लाभ लिनुपर्ने सुझाव दिएका छन् । प्रधानमन्त्री केपी शर्मा ओलीले आसन्न चीन भ्रमणको विषयमा सोमबार गरेको छलफलमा पूर्वप्रधानमन्त्री नेपालले त्यो परियोजनालाई अघि बढाउनुपर्ने बताए ।

बीआरआई प्रोजेक्ट नेपालको हितको विरुद्धमा छैन । नेपालजस्तो देशले यसबाट लाभ लिनुपर्दछ । बीआरआईमा त हामी पहिले नै आबद्ध छौं । त्यसैले त्यसलाई पनि अघि बढाउनुपर्छ,ु पूर्वप्रधानमन्त्री नेपालले भने । उनले छिमेकीहरूका कुनै आशंका छन् भने त्यस्ता कुरालाई ध्यानमा राखे नेपालको असंलग्न परराष्ट्र नीतिबारे उनीहरूलाई बुझाउनुपर्ने बताए ।

हाम्रो देशको हितलाई ध्यान दिनुपर्छ । छिमेकीहरूसँग कुनै पनि आशंका छन् भने त्यसलाई ध्यानमा राखी नेपाल असंलग्न परराष्ट्र नीतिमा अविचलित रुपमा उभिन्छ । कुनै पनि देशविरुद्ध नेपालको भूमि प्रयोग हुँदैन भन्ने कुरा बुझाउनुपर्छ, नेपालले भने ।