काठमाडौं ४ मंसिर । प्रधानमन्त्री केपी शर्मा ओलीमाथि गम्भीर आरोप लगाएर बनाएका सामग्री सामाजिक सञ्जालमा फैलाएको आरोपमा पक्राउ परेका विवादित मेडिकल व्यवसायी दुर्गा प्रसाईंलाई प्रहरीको सिंहदरबार वृत्तको हिरासतमा राखिने भएको छ।

नेपाल प्रहरीको केन्द्रीय अनुसन्धान ब्युरो सीआईबी को टोलीले प्रसाईंलाई मंगलबार बिहान भक्तपुरस्थित उनको निवासबाट पक्राउ गरेको थियो।

वीर अस्पतालमा स्वास्थ्य परीक्षणपछि उनलाई साइबर ब्युरो पठाइएको थियो। साइबर ब्युरोको हिरासत नभएका कारण उनलाई सिंहदरबार वृत्तको हिरासतमा पठाइएको साइबार ब्युरो प्रमुख डिआईजी नवीन्द अर्यालले जानकारी दिए।

स्वास्थ्य परीक्षण लगायतमा ढिलाई हुँदा उनलाई म्याद थपका लागि जिल्ला अदालतमा भने आज नलगिएको प्रहरीले जनाएको छ। उनलाई बुधबार लि म्याद थपका लागि अदालतमा उपस्थित गराइनेछ।

फौजदारी कसुरमा दुई महिनाभित्र दोस्रोपटक पक्राउ परेका दुर्गा प्रसाईंमाथि लिखत सम्बन्धी कसुर किर्ते र विद्युतीय कारोबारसम्बन्धी अपराध साइबर क्राइम मा अनुसन्धान हुने भएको छ।