काठमाडौं । नेपाल र अमेरिकाविरुद्धको दोस्रो टी–२० खेल सुपरओभरमा पुगेको छ।

नेपालले दिएको १७१ रनको लक्ष्य पछाएको अमेरिकाले २० ओभरमा ८ विकेट गुमाउदै १७० रन बनाएपछि अब खेलको निर्णय सुपर ओभरबाट हुने भएको हो।

नेपालले अमेरिकाविरुद्ध १ सय ७१ रनको लक्ष्य पेश गरेको थियो। टेक्ससको डालासस्थित ग्रान्ड प्रेरी क्रिकेट स्टेडियममा टस जितेर पहिले ब्याटिङ गरेको नेपालले पूरै २० ओभरमा ६ विकेट गुमाएर १ सय ७० रन जोड्यो।

नेपालका लागि कुशल भुर्तेलले ५४ बलमा ९२ रनको अर्धशतकीय पारी खेल्दा अनिल साहले २५, गुल्सन झाले १९ तथा रोहित पौडेलले १८ रनको योगदान गरे। अमेरिकाका लागि नोस्थुस केन्जिगे र जसदीप सिंहले २–२ विकेट लिँदा सौरभ नेत्रभाल्करले १ विकेट लिए।

१ सय ७१ रनको लक्ष्य पछ्याएको अमेरिकाले निर्धारित २० ओभरमा ७ विकेट गुमाएर १ सय ७० रननै बनायो।

अमेरिकाका लागि आन्द्रेस गौसले ६२ रन बनाउँदा सैतेजा मुकमलाले ४७ रन बनाए। थप दोहोरो स्कोरका रुपमा मिलिन्डा कुमारले १५ तथा सायन जहांगिरले १४ रन बनाएका थिए।

नेपालका लागि करण केसीले ३ विकेट लिंदा सोमपाल कामीले २ र सागर ढकाल तथा दिपेन्द्र सिंह ऐरीले समान १(१ विकेट लिए।

यसअघि पहिलो खेलमा नेपाल अमेरिकाविरुद्ध १७ रनले विजयी भएको थियो । नेपाल र अमेरिकाबीचको तेस्रो टी–ट्वेन्टी खेल भोलि बिहान पौने ६ बजे सुरु हुनेछ।

सिरिजपछि नेपालले अमेरिका एसँग ५० ओभरको अभ्यास खेल खेल्नेछ । कात्तिक ९ गतेदेखि डालासमा नै नेपालले अमेरिका र स्कटल्यान्डसँग लिग टू सिरिज खेल्ने तालिका छ।