काठमाडौं, २२ फागुन । चलचित्र निर्माता तथा छायाँकार डिक खड्का सामाजिक सञ्चालबाट सेक्सुअल ह्यारेसमेन्ट गरेको आरोपमा पक्राउ परेका छन् । उनलाई महानगरिय अपराध महाशाखाबाट खटिएको टोलीले सोमबार काठमाडौंको नयाँ बानेश्वरबाट पक्राउ गरेको हो ।
खड्काले एउटै फिल्डमा काम गर्ने आफ्नो एक सहकर्मीको श्रीमतीको फेसबुकमा अश्लिल फोटो र भिडियो पठाएपछि ती महिलाले सामाजिक सन्जालमार्फत सेक्सुअल ह्यारेसमेन्ट गरेको आरोप सहित प्रहरीमा उजुरी दिएकी थिइन् । सोही आधारमा खड्कालाई पक्राउ गरिएको हो ।
पक्राउमा परेका खड्कामाथि काठमाडौं जिल्ला अदालतबाट म्याद लिएर साईबर अपराधमा थप अनुसन्धान शुरु गरिएको महाशाखा प्रमुख दिवेश लोहनीले बताए ।
खड्काले छाउपटी , मजबुर लगायतका फिल्म निर्माण गरेका छन् । उनी २०१३ मा उपकरण व्यावसायी संघको अध्यक्ष समेत बनेका थिए ।
प्रतिक्रिया दिनुहोस्