काठमाडौं । बाढी पहिरो तथा चाडपर्वका कारण हवाई चापलाई ध्यान दिँदै सरकारले रात्रिकालीन उडान थालनी गर्ने भएको छ ।
भोलि असोज १७ देखि असोज ३० गतेसम्म लागू हुने गरी त्रिभुवन अन्तर्राष्ट्रिय विमानस्थल, गौतमबुद्ध अन्तर्राष्टिय विमानस्थल र पोखरा अन्तराष्ट्रिय विमानस्थल लगायत रात्रीकालिन उडान हुने सबै विमानस्थलहरुमा रात्रिकालीन सञ्चालन गरिने भएको हो ।
संस्कृति, पर्यटन तथा नागरिक उड्डयनमन्त्री बद्री पाण्डेले सामाजिक सञ्जालमा लेख्दै बिहान ४ः३० बजेदेखि राति अपरेशन समय आवश्यकताअनुसार थप हुने गरी सञ्चालन गर्ने व्यवस्था मिलाइएको जानकारी दिएको छ ।
फेसबुकमा मन्त्री पाण्डेले लेखेका छन्–
टिकटमा सहजता र भाडामा न्युनताको वातावरण बनाउनका निम्ति अर्को प्रयास!
बाढि पहिरो तथा चाडपर्वका कारण सिर्जित बढ्दो हवाई चापलाई संबोधन गर्न २०८१/०६/१७ (घटस्थापना) देखि २०८१/०६/३० (पुर्णिमा) सम्म त्रि.अ.वि., गौतमबुद्ध, पोखरा अन्तराष्ट्रिय विमानस्थल लगायत रात्रीकालीन उडान हुने सम्पुर्ण विमानस्थलहरु विहान ४:३० बजेदेखि राती अपरेशन समय (आवश्यकता अनुसार थप हुने) सम्म नै संचालनमा आउने व्यवस्था मिलाइएको छ।
प्रतिक्रिया दिनुहोस्