काठमाडौं ६ भदौ । श्रीलंकाको निर्वाचन आयोगले सम्पूर्ण द्वीपभरको पहिलो चरणको मतगणनाको अन्तिम समग्र नतिजा घोषणा गरेको छ।

नतिजा अनुसार, वाम गठबन्धनका नेता अनुरा कुमारा दिसानायकेले ५,६३४,९१५ मत (४२.३१प्रतिशत) ल्याएर सबैभन्दा बढी मत प्राप्त गर्ने उमेद्वार बनेका छन्। दोस्रो र तेस्रो प्राथमिकताका मतहरूको गणना अघि, सजिथ प्रेमदासाले ४,३६३,०३५ मत (३२.७६प्रतिशत) ल्याएका छन् भने तेस्रो स्थानमा रहेका रनिल विक्रमसिंघेले २,२९९,७६७ मत (१७.२७प्रतिशत) प्राप्त गरेका छन्।

२०२४ राष्ट्रपतीय निर्वाचनका दुई प्रमुख उम्मेदवारहरूको दोस्रो प्राथमिकताका मतहरूको गणना केही बेर अघि सुरु भइसकेको छ।

पहिलो चरणको गणनामा कुनै पनि उम्मेदवारले आवश्यक बहुमत प्रतिशतको मत नल्याएपछि, अन्य मतपत्रहरूमा अनुरा कुमारा दिसानायके र सजिथ प्रेमदासाको प्राथमिकता गन्दै अन्तिम निर्णय निकालिने छ।

यो श्रीलङ्काको निर्वाचन इतिहासमा पहिलो पटक राष्ट्रपतीय पुनः मत गणना हुन लागेको हो।
निर्वाचन पर्यवेक्षकहरुले वाम नेता अनुरा कुमारा दिसानायकेले निर्वाचन जित्ने बताउँदै आएका छन् । आज अबेर रातीसम्म अन्तिम नतिजा सार्वजनिक हुने आशा गरिएको छ ।

अनुरा कुमारा दिसानायके र सजिथ प्रेमदासाको पछि, तेस्रो स्थानमा रहेका रनिल विक्रमसिंघेको स्थान थियो। चौथो स्थानमा भने नामल राजपक्ष रहन पुगे। उनी श्रीलङ्काका पूर्व राष्ट्रपति महिन्दा राजपक्षका छोरा हुन्। ३८ वर्षीय नामलले चौथो स्थानमा २.५ प्रतिशत मत मात्र ल्याए।

पाँचौँ स्थानमा ‘साझा तामिल उम्मेदवार’को रूपमा प्रस्तुत गरिएका पक्कियासेल्वम अरियनन्थिरन थिए, जसले १.७ प्रतिशत मत पाएका थिए ।

अन्य कुनै पनि उम्मेदवारले एक प्रतिशतभन्दा बढी मत हासिल गर्न सकेनन्।