काठमाडौं ,१७ फागुन । सरकार विस्तार र संविधान संशोधनका विषयमा छलफल गर्न बिहीबार वाम गठबन्धन र संघीय समाजवादी फोरमबीच वार्ता हुने भएको छ ।
बुधबार सिंहदरबारमा बसेको वार्ता सकारात्मक भएको र त्यसलाई निश्कर्षमा पुर्याउन थप छलफल हुन लागेको एमाले नेता प्रदीप ज्ञवालीले जानकारी दिनुभयो ।
सरकारमा सहभागी हुन सहमत भएको फोरमले संविधान संसोधनमा लिखित सम्झौताका माग गरेको छ । तर, एमालेले आवश्यक र औचित्यका आधारमा संशोधन गर्न सकिने बताउँदै आएको छ । मधेशवादी दलको मुद्धाप्रति सरकारको ध्यानकर्षण भएकाले खुल्ला छलफल गर्न एमाले तयार रहेको नेता ज्ञवालीले बताउनुभयो ।
एमाले–माओवादीका नेताहरुले बिहीबार बिहान बालुवाटारमा बस्ने बैठकबाट सहमति जुट्ने दाबी गरेका छन् । सहमति बनेमा सरकार विस्तारको बाटो खुल्नेछ ।
प्रतिक्रिया दिनुहोस्