काठमाडौं २८ साउन । जापोरिजा आणविक भट्टीमा आगलागी भएको छ। त्यसका लागि रुस र युक्रेनले एकअर्कालाई दोष दिएका छन्।
दुई वर्षदेखि जापोरिजा रुसी फौजको नियन्त्रणमा छ।
युक्रेनी राष्ट्रपति भ्लादिमिर जेलेन्स्कीले रुसी फौजले त्यहाँ आगो लगाएको आरोप लगाएका छन्। उता रुसद्वारा नियुक्त जापोरिजाका गभर्नरले युक्रेनी सैनिकले गोलाबारी गरेपछि आगलागी भएको बताएका छन्।
राष्ट्रसंघीय निगरानीकर्ताले भने धुवाँको मुस्लो उठे पनि आणविक असुरक्षाको संकेत नदेखिएको बताएको छ।
गभर्नर यव्गेनी बालित्स्कीले विकिरणको मात्रा नबढेको भन्दै शान्त रहन आह्वान गरेका छन्।
हाल सो आणविक भट्टीका सबै ६ वटै रियाक्टर बन्द छन्।
उता रुसको कुर्स्क क्षेत्रमा युक्रेनी सेना पसेर आक्रमण गरिरहेको छ। रुसको ३० किमि भित्रसम्म युक्रेनी सेना पुगेको बताइएको छ। सो क्षेत्रबाट करिब ८० हजार मानिसलाई अन्यत्र सारिएको छ।
६ दिनदेखि चलिरहेको सो लडाइँ रोक्न रुसले सकिरहेको छैन। एजेन्सी
प्रतिक्रिया दिनुहोस्