काठमाडौं २७ साउन । प्रध्यापक तथा राजनीतिशास्त्री कृष्ण खनाल देशभर घुम्दा आम जनताले राजनीतिक दलका नेताहरुको भ्रष्टाचार र बेइमानीका कारण प्रदेश खारेज गरे हुन्छ भन्ने धारणा व्यक्त गरेको बताएका छन् । एबीसी टेलिभिजनको कार्यक्रम आउटलुक कार्यक्रमका लागि प्रधानसम्पादक शुभशंकर कँडेलसँग कुरा गर्दैै संघीयता कार्यान्वयनका क्रममा मुख्य दलहरुले नै बेइमानी गर्दै आएको बताएका छन् ।

‘संविधानका बारेमा जनताको उठेका असन्तुष्टी त संघीयतामा पनि जनतालाई अधिकार सम्पन्न गराइएन भन्ने र पुरानो बर्चस्व गुम्यो भन्ने कोणबाट उठेको छ । । यस्तो बेला कांग्रेस र एमाले कतापट्टि उभिने हो । पहिले उनीहरुले निर्णय गर्नु पर्दछ । ‘ प्राध्यापक खनालले भने ।
‘सत्ता समीकरणका सन्दर्भमा पूर्व प्रधानमन्त्री पुुष्पकमल दाहाल प्रचण्डले धेरै चकचक गरेपछि कांग्रेस र एमाले मिल्ने अवस्था आएको बताउँदै खनाले भने ‘नेपालजस्तो देशमा गठबन्धन संस्कृतिको विकास गर्नु पर्ने आवश्यकता छ । नेपालजस्ता उदार संसदीय लोकतन्त्र भएका देशको गठबन्धन राजनीति अनिवार्य नै हो’ खनालले भने ।
‘चुनावपूर्व नै गठबन्धन बनाउने, कार्यक्रम अघि सार्ने त्यसका आधारमा जुन गठबन्धनको बहुमत आउँछ उसले सरकार बनाउने, अर्को प्रतिपक्षमा बस्ने हो । तर अहिले देखिएजस्तो जे पनि गर्ने तरिका जनमतको अपमान’ हुने खनालको निश्कर्ष छ ।
प्राध्यापक खनालले नेपालका मुख्य पार्टीहरुको बदलिंदै गएको चरित्र, पतन र जनआक्रोश तथा भूराजनीतिक जोखिमका बारेमा गरेको मिहिन विश्लेषण यो अन्तवार्तामा सुन्न र हेर्न सकिन्छ । यो अन्तर्वार्ता साउन २० गते आइतबार प्रसारण भएको थियो ।