काठमाडौं २२ साउन । बागलुङको बडिगाड गाउँपालिका–९ र १० मा गएको पहिरोमा परी एकै दिन ८ जनाले ज्यान गुमाएका छन्। दर्लिङखोलामा पहिरोले वडा नम्बर ९ मा एउटा र १० स्थित आरुपाटामा तीनवटा घर पुरिएका थिए।
पहिरोमा परी चारजना घाइते भएका छन्। पुरिएका चारजनाको जीवितै उद्धार गरिएको छ।
प्रमुख जिल्ला अधिकारी नेत्रप्रसाद सुवेदीका अनुसार, दुईवटा वडामा गरेर अहिलेसम्म ८ जनाका शव फेला परेका छन्।
मृत्यु हुनेमा बडिगाड गाउँपालिका–९ मा १५ वर्षीय विधान परियार र २४ वर्षीय गंगा बस्नेत छन्।
त्यस्तै, वडा नं १० मा ७ वर्षका जुम्ल्याहा मालती बुढा र मधु बुढा, १३ वर्षका मनोज बुढा र १२ वर्षका अमन बुढा, सञ्जु विककी ६ वर्षीया छोरी, ५९ वर्षीया मैतीदेवी विकको मृत्यु भएको छ।
पहिरोमा परेर घाइते हुनेहरूमा ४६ वर्षीया संगीता बुढा, ५९ वर्षीया सुमित्रा विक, ३२ वर्षकी सीता थापा र ४२ वर्षीय मंगलसिंह बुढा घाइते छन्। घाइतेमध्ये दुईजनाको अवस्था गम्भीर छ।
घाइतेलाई हेलिकोप्टर बोलाएर उद्धार गर्न लागिएको प्रजिअ सुवेदीले नेपालबरलाई जानकारी दिए।
काठमाडौँबाट नेपाली सेनाको हेलिकप्टर उडिसकेको प्रदेश सांसद जितबहादुर शेरचनले जानकारी दिए।
प्रतिक्रिया दिनुहोस्