काठमाडौँ, १६ फागुन । प्रदेश २ का मुख्यमन्त्री लालबाबु राउतले बुधबार दोस्रो पटक मन्त्रिमण्डल विस्तार गर्न लागेका छन् । मन्त्रीमण्डल विस्तार भएसंगै बुधवार ४ मन्त्री सहित ३ जना राज्यमन्त्रीले सपथ ग्रहण गरेका छन्।

संघीय समाजवादी फोरम-राजपा गठबन्धनको सरकार रहेको प्रदेश २ मा फोरमबाट ज्ञानेन्द्र कुमार यादवले आन्तरिक मामिला तथा कानुन मन्त्री र शैलेन्द्र साहले भूमी कृषि तथा सहकारी मन्त्रीको रुपमा सपथ ग्रहण गरेका छन्।

यस्तै, राजपाबाट नवल किशोर साहले समाजिक विकाश मन्त्री र राम नरेश यादवले उद्योग पर्यटन तथा वातावरण मन्त्रीको रुपमा सपथ लिएका छन् ।

उहाँहरुलाई प्रदेश प्रमुख रत्नेश्वर लाल कायस्थले सपथ खुवाएका छन्।

सरोज सिंहले आन्तरिक मामिला तथा कानुन राज्यमन्त्री, योगेन्द्र रायले भूमी कृषि तथा सहकारी र उषा यादवले समाजिक विकाश राज्यमन्त्रीको रुपमा सपथ लिएका छन्।

उहाँहरुलाई मुख्यमन्त्री लालबाबु राउतले सपथ दिलाएका छन्।

फोरमले ३ वटा राज्यमन्त्रीले सिफारिस गरेको छ भने राजपाले अहिले सम्म राज्यमन्त्री पठाएको छैन।