काठमाडौं २५ बैशाख । स्पेनका परराष्ट्र मन्त्री जोसे म्यानुअल अल्बारेस बुएनोले एशिया प्यासिफिक क्षेत्रमा थप कूटनीतिक सम्बन्ध विस्तार गर्ने स्पेन इच्छुक रहेको बताएका छन् ।
एसिया प्यासिफिक क्षेत्रका १७ जना राजदूतहरूलाई बार्सिलोनामा आयोजित एक कार्यक्रमबीच सम्बोधन गर्दै मन्त्री जोसेले यस्तो बताएका हुन् ।
उनले विश्वको शान्ति सुव्यवस्थाका लागि एसिया प्यासिफिक देशहरूको महत्वपूर्ण भूमिका रहेको बताउँदै ती देशहरूसँग सहकार्य गर्न स्पेन तयार रहेको बताए ।
एसिया(प्यासिफिक राजदूतहरूको डिनका रुपमा बोल्दै स्पेनका लागि नेपाली राजदूत डा। शर्मिला पराजुली ढकालले कूटनीतिक सम्बन्ध एवंम पारस्परिक समझदारीलाई अझ मजबुद बनाउने काम गरेको प्रतिक्रिया दिइन् ।
परराष्ट्रमन्त्री अल्बारेस सक्षम उनले स्पेनले कूटनीतिक सम्बन्धलाई सुदृढ गर्न गरेको प्रयासलाई मुक्तकण्ठले प्रशंसा गरिन् ।
राजदूत डा। पराजुलीले विश्वव्यापी चुनौतीहरूको सम्बोधन गर्न सहयोग र सहकार्यको आवश्यकता रहेको भन्दै शान्ति, समझदारी र करुणालाई प्राथमिकता दिन विश्वका नेताहरूलाई आग्रह गरिन् ।
मानवीय संकट, जलवायु परिवर्तनलगायतका चुनौतीहरूको सामना गर्न रचनात्मक संवादको माध्यमबाट साझा आधार खोज्न राजदूत डा। पराजुलीले सुझाव दिएको दूतावासद्वारा जारी विज्ञप्तिमा उल्लेख गरिएको छ ।
एसिया प्यासिफिक क्षेत्रका राजदूतहरुको सम्मानमा स्पेनका परराष्ट्र मन्त्रीले बार्सिलोनास्थित काशा एसियाको मुख्यालयमा दिवा भोजको आयोजना गरेका थिए ।
स्पेनका परराष्ट्रमन्त्री जोसे म्यानुअल अल्बारेस बुएनोसँग नेपालकी राजदूत डा। शर्मिला पराजुली ढकाल ।
प्रतिक्रिया दिनुहोस्