काठमाडौं १८ चैत । उपप्रधान तथा गृहमन्त्री रवि लामिछानेसँग धरान उपमहानगरपालिकाका मेयर हर्क साम्पाङले भेटवार्ता गरेका छन् । कर्मचारीले प्रक्रिया खोज्दा र जनप्रतिनिधिले परिणाम खोज्दा काम गर्न कठिन भएको सम्पाङको भनाइ थियो ।
गृहमन्त्रीसँग साम्पाङको गुनासो स् कर्मचारीले प्रक्रिया र जनप्रतिनिधिले परिणाम खोज्दा काम गर्न कठिन
सिंहदरबारस्थित गृह मन्त्रालयमा आइतबार भएको भेटवार्तामा मेयर साम्पाङले धरान उपमहानगरपालिकामा सुरक्षा व्यवस्थाका लागि स्रोत र साधनको माग गरेका थिए ।
गृहमन्त्रीको सचिवालयका सदस्य प्रमोद न्यौपानेका अनुसार मेयर सम्पाङले भनेका थिए, ुउपमहानगरपालिका प्रमुख साम्पाङद्वारा धरानमा इलाका प्रहरी र ट्राफिक प्रहरी कार्यालयको भवन निर्माण, सशस्त्र प्रहरीको गुल्म स्थापना र सुरक्षाकर्मीका लागि पर्याप्त सोत–साधनको माग भएको छ । कर्मचारीले प्रक्रिया र जनप्रतिनिधिले परिणाम खोज्ने हुँदा काम गर्न कठिन हुने गरेको प्रमुख साम्पाङको गुनासो थियो ।ु
साम्पाङले राखेका मागप्रति आफू गम्भीर रहेको गृहमन्त्रीले जवाफ दिएको न्यौपानेले जानकारी दिए । उनले मेयरले राखेका माग सम्बोधन गर्ने प्रक्रिया थाल्न पनि गृह मन्त्रालयका कर्मचारीलाई निर्देशन दिएका थिए ।
साम्पाङले प्रहरीको मनोबल उच्च बनाउने गरी काम गर्न गृहमन्त्रीलाई सुझाव दिएका थिए । जवाफमा प्रहरीलाई ‘आम नागरिकलाई भरः गलत गर्नेलाई डर’ हुने संगठन बनाउने गृहमन्त्रीको प्रतिबद्धता जनाएको न्यौपानेले बताए ।
गृहमन्त्री र प्रमुख साम्पाङबीच लागू औषध दुर्व्यवसनी नियन्त्रणबारे पनि छलफल भएको न्यौपानेले बताए । नशाका लागि विभिन्न थरिका औषधी मिसाएर खाने प्रवृत्ति बढेको तर, त्यसविरुद्ध कारबाही चलाउन कानुन नरहेकोबारे प्रमुख साम्पाङले गृहमन्त्रीलाई ध्यानाकर्षण गराएका थिए । नियन्त्रणका लागि तीनै तहका सरकारबीच प्रभावकारी सहकार्य सहित विशेष अभियान सञ्चालन गर्नुपर्ने गृहमन्त्रीको भनाइ रहेको थियो ।
मेयर साम्पाङले हरेक शुक्रबार सञ्चालन गरिरहेको ‘सुधारबार’ अभियानमा कुनै हप्ता आफू पनि सहभागी हुने गृहमन्त्रीको प्रतिबद्धता जनाएको न्यौपानेले बताए ।
प्रतिक्रिया दिनुहोस्