रुकुम, २५ माघ । रुकुम पश्मिको चौरजहारी नगरपालिकमा एक औपचारिक कार्यक्रमका विच विद्यालयको नवनिर्मित भवन उदघाटन गरीएको छ । चौरजहारी नगरपालिकाको वडा नम्व्र १३ मा रहेको सरस्वती माध्यमिक विद्यालय घरेलीचौरको चार कोठे भवन उदघाटन गरिएको हो ।

आर्थिक वर्ष २०७९।०८० मा ५० लाखको लागतमा भवन निर्माण भएको थियो । सुविधा सम्पन्न कक्षाकोठाको अभाव रहेको विद्यालयमा भवन निर्माण पश्चात् शिक्षण सिकाइ क्रियाकलाप सञ्चालन गर्न सहज हुने चौरजहारी नगरपालिकाका निमित्त प्रमूख प्रशासकिय अधिकृत शेरप्रसाद ढकालले जानकारी दिए ।

भवन उदघाटन कार्यक्रमलाई सम्बोधन गर्दै नगर प्रमुख एवम् कार्यक्रमका प्रमुख अतिथि पुष्प वादीज्यूले भौतिक पूर्वाधारसँगै शैक्षिक गुणस्तर अभिवृद्धिका लागि सबै जिम्मेवार बन्न आग्रह गरे ।
भौतिक पूर्वाधार निर्माण एउटा पाटो हो उनले भने, त्यसको सँगसँगै प्रतिफल दक्ष र सक्षम जनशक्तिमा परिणत हुनुपर्छ । शैक्षिक विकास र उन्ननयका लागि राज्यका सबै संयन्त्रहरू परिचालन हुनुपर्नेमा उनले जोड दिए ।

शैक्षिक गुणस्तर खस्किएकोप्रति अरूलाई दोष लगाएर चोखो कोही हुन सक्दैन त्यसका लागि शिक्षक, विद्यार्थी, विद्यालय व्यवस्थापन समिति, शिक्षक अभिभावक सङ्घ, सरकारसहित सबै सरोकारवालाहरू जिम्मेवार बन्नुपर्ने उनको भनाइ छ ।

कार्यक्रममा उदघाटन कार्यक्रममा चौरजहारी नगर उपप्रमुख ईश्वरीकुमारी शर्मा (बि.एम्.) १३ नम्बर वडा अध्यक्ष श्रीकृष्ण शर्माको पनि उपस्थिति रहेको थियो । राजनीतिक दलका स्थानीय प्रमुख एवम् प्रतिनिधि, विद्यालय व्यवस्थापन समितिका पदाधिकारीहरू, शिक्षक, विद्यार्थी र अभिभावहरूको पनि सहभागिता रहेको थियो ।