काठमाडौं, २१ माघ । विश्वका धनाढ्य, टेस्ला एवं ट्विटरका मालिक एलन मस्कले एक विश्वविद्यालय खोल्ने मनसाय व्यक्त गरेका छन् ।

आइतबार मस्कले आफ्नै सामाजिक सञ्जाल एक्समा ‘टेक्सास इन्स्टिच्युट अफ टेक्नोलोजी’लाई वास्तविकतामा परिणत गरिदिऊँ रु भन्दै प्रश्न गरेका छन् । उनले यो विश्वविद्यालयमा ‘उन्नत किसिमको सामाजिक अध्ययन’ समेत समावेश हुने बताएका छन् ।

मस्कले द फाउन्डेसन नामक संस्थालाई १० करोड अमेरिकी डलर उपलब्ध गराएको बताइएको छ । मस्कले अर्बौँ डलरबराबरको टेस्लाको सेयर समेत उक्त संस्थालाई उपलब्ध गराएको अमेरिकी पत्रिका फोर्ब्सले जनाएको छ ।

द फाउन्डेसन संस्थाले प्राथमिक र माध्यमिक तहमा साइन्स, टेक्नोलोजी, इन्जिनियरिङ र म्याथ ९एसटीईएम० पढाउन काम गर्ने बताइएको छ ।

यसै फाउन्डेसनले विश्वविद्यालय समेत सञ्चालन गर्ने योजना बनाएको छ । मस्कले यसअघि पनि टेक्सास इन्स्टिच्युट अफ टेक्नोलोजीको सन्दर्भमा टिप्पणी गर्दै आएका थिए । सन् २०२१ मा पनि एक ट्विट गर्दै उनले यही विश्वविद्यालय खोल्नेबारे प्रश्न गरेका थिए ।

उनले वर्तमान अमेरिकी शिक्षा प्रणालीको आलोचना गर्दै आएका छन् ।